୨+୨ ବୈଠକ: ଭାରତ ଓ ଆମେରିକା ମଧ୍ୟରେ BECA ସ୍ୱାକ୍ଷର,ଅଧିକ ଶକ୍ତିଶାଳୀ ହେବ ଭାରତୀୟ ସେନା
1 min read
ନୂଆଦିଲ୍ଲୀ: ଭାରତ ଏବଂ ଆମେରିକା ମଧ୍ୟ ଚାଲିଛି ୨+୨ର ବୈଠକ । ବୈଠକରେ ଗୋଟିଏ ପଟେ ହାଇଦ୍ରାବାଦ ହାଉସରେ ଆମେରିକାର ବୈଦେଶିକ ମନ୍ତ୍ରୀ ମାଇକ ପୋମ୍ପିଓ ଓ ପ୍ରତିରକ୍ଷା ମନ୍ତ୍ରୀ ମାର୍କ ଏସପର୍ ଏବଂ ଅନ୍ୟ ପଟେ ତାଙ୍କ ପ୍ରତିପକ୍ଷରେ ଅଛନ୍ତି ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ଓ ବୈଦେଶିକ ବ୍ୟାପାର ମନ୍ତ୍ରୀ ଏସ ଜୟଶଙ୍କର । ଦୁଇ ଦେଶ ମଧ୍ୟରେ (BECA) ବୈଶୟିକ ଏକ୍ସଚେଞ୍ଜ ଆଣ୍ଡ କୋଅପରେସନ୍ ଏଗ୍ରିମେଣ୍ଟ ଫର ଜିୟୋସ୍ପେସିଆଲ କୋଅପରେସନ (ମୌଳିକ ବିନିମୟ ଓ ସହଯୋଗ ଚୁକ୍ତି ପାଇଁ ଭୌଗୋଳିକ ସହଯୋଗ) ସ୍ୱାକ୍ଷର ହୋଇଛି । ଏହା ବ୍ୟତୀତ, 2 + 2 ବୈଠକରେ ଆଉ କ’ଣ ଆଲୋଚନା ହୋଇଛି ଆସନ୍ତୁ ଜାଣିବା ।
BECA ଉପରେ ଉଭୟ ଦେଶ ରାଜି ହୋଇଛନ୍ତି
ଦୁଇ ଦେଶ ମଧ୍ୟରେ ବୁଝାମଣାରେ BECA ଚୂଡାନ୍ତ କରାଯାଇଛି । ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ୨ + ୨ ବୈଠକରେ କହିଛନ୍ତି ଯେ, “ଆମେ ଖୁସି ଯେ ଆମେ ବର୍ତ୍ତମାନ BECA ସମାପ୍ତ କରିଛୁ ଯେଉଁଥିଲେ ସୂଚନାର ଆଦାନପ୍ରଦାନର ନୂଆ ସ୍ରୋତ ଖୋଲିବ। ଆମେ ଆମେରିକା ସହ ଅନ୍ୟାନ୍ୟ ଆଲୋଚନା କରିବାକୁ ଆଗ୍ରହୀ ଅଛୁ । ”
ଚୀନରୁ କରୋନା ପର୍ଯ୍ୟନ୍ତ ଚର୍ଚ୍ଚା କରିବୁ: ପୋମ୍ପିଓ
ଆମେରିକାର ବୈଦେଶିକ ମନ୍ତ୍ରୀ ମାଇକ ପୋମ୍ପିଓ ବାର୍ତ୍ତାଳାପ ସମୟରେ କହିଥିଲ ଯେ, ” ଆଜି ଦୁଇ ମହାନ ଗଣତାନ୍ତ୍ରିକ ରାଷ୍ଟ୍ର ଆହୁରି ନିକଟତର ହେବାର ଏକ ସୁଯୋଗ। ଦେଶରେ ଶାନ୍ତି ଏବଂ ସ୍ଥିରତାକୁ ବୃଦ୍ଧି କରିବା ପାଇଁ ଆମ ପାଖରେ ବହୁତ ବିଷୟ ରହିଛି । ମହାମାରୀରେ ସହଯୋଗ ଠାରୁ ଆରମ୍ଭ କରି ଚାଇନାର କମ୍ୟୁନିଷ୍ଟ ପାର୍ଟିର ମୁକାବିଲା, ସୁରକ୍ଷା ଏବଂ ସ୍ୱାଧୀନତା ପର୍ଯ୍ୟନ୍ତ। ”
BECA କଣ ?
BECA ବା Basic Exchange and Cooperation Agreementର ଅର୍ଥ ହେଉଛି ମୌଳିକ ବିନିମୟ ଓ ସହଯୋଗ ଚୁକ୍ତି । ଭୌଗଳିକ ସହଯୋଗ ପାଇଁ ଏହା ହେଉଛି ଏକ ସ୍ୱତନ୍ତ୍ର ଚୁକ୍ତି ଯାହା ଆମେରିକା ତାର ନିକଟତମ ଦେଶମାନଙ୍କ ସହିତ କରିଥାଏ । ଏଥିରେ ଅତ୍ୟଧିକ ସମ୍ବେଦନଶୀଳ ସମସ୍ୟାର ସମାଧାନର ରାସ୍ତା ବାହାରିଥାଏ ଏବଂ ଏଭଳି ପରିସ୍ଥିତିରେ BECA ଅତ୍ୟନ୍ତ ଗୁରୁତ୍ୱପୂର୍ଣ୍ଣ ହୋଇଯାଏ ।
ଏଥିରୁ କ’ଣ ଲାଭ ହେବ?
BECA ଉଦ୍ଦେଶ୍ୟ ନଟିକଲ୍ ଏବଂ ଏରୋନଟିକାଲ୍ ଚାର୍ଟ ସହ ଜିଓ ସ୍ପେସିଆଲ (ଭୌଗଳିକ) ଡାଟା ଦୁଇ ଦେଶ ମଧ୍ୟରେ ଆଦାନ ପ୍ରଦାନ । ଥରେ ଚୁକ୍ତିନାମା ସ୍ୱାକ୍ଷର ହୋଇଗଲେ ଭାରତକୁ ଆମେରିକାର ସାଟେଲାଇଟରୁ ସଠିକ୍ ତଥ୍ୟ ମିଳିବ ଯାହାର ବ୍ୟବହାର ସାମରିକ ଉଦ୍ଦେଷ୍ୟରେ କରାଯାଇପାରିବ। ଏଥିସହ, ମାନଚିତ୍ର, ନଟିକାଲ୍ ଏବଂ ଏରୋନଟିକାଲ୍ ଚାର୍ଟ, ବାଣିଜ୍ୟିକ ଏବଂ ଅନ୍ୟାନ୍ୟ, ଜିଓଡେଟିକ୍, ଜିଓ-ଫିଜିକାଲ୍, ଜିଓ-ମ୍ୟାଗ୍ନେଟିକ୍ ଏବଂ ମାଧ୍ୟାକର୍ଷଣ ତଥ୍ୟ ସମ୍ବନ୍ଧିତ ଡାଟା ମଧ୍ୟ ମିଳିବ ।
BECA ରୁ ଭାରତ କ’ଣ ଲାଭ କରେ?
ଉଭୟ ପକ୍ଷରୁ ଡାଟା ସେୟାର୍ ହେବ କିନ୍ତୁ BECA ଦ୍ୱାରା ଅଧିକ ଲାଭବାନ ଭାରତ ହେବ । ଭାରତ ସାମରିକ ଗ୍ରେଡ୍ ତଥ୍ୟ ପାଇପାରିବ ଯାହା ସାହାଯ୍ୟରେ ସଠିକ୍ ଭାବରେ ଏହାର କ୍ଷେପଣାସ୍ତ୍ର ଲକ୍ଷ୍ୟ ଭେଦ କରି ପାରିବେ । ଉଦାହରଣ ସ୍ୱରୂପ, ଆତଙ୍କବାଦୀ ବେସ ଉପରେ ଉତକ୍ଷେପଣ କରାଯାଇଥିବା କ୍ଷେପଣାସ୍ତ୍ର କିମ୍ବା ବୋମାକୁ ଟାର୍ଗେଟ କରିବା ପାଇଁ ସାମରିକ ଗ୍ରେଡ୍ କୋର୍ଡିନେଟ୍ ବ୍ୟବହାର କରାଯାଇପାରିବ । ଅର୍ଥାତ ଫାୟାର ଆଣ୍ଡ୍ ଫର୍ଗେଟ୍ (ମାର ଓ ଭୁଲି ଯାଅ) ମାମଲାରେ ଭାରତୀୟ ସେନା ଅଧିକ ଶକ୍ତିଶାଳା ହୋଇ ପାରିବ ।
