ବାଘ ପାଇଁ ବାଇକ ଯାତ୍ରା, ବୁଲିଛନ୍ତି ୨୮ ରାଜ୍ୟ ଓ ୫ଟି କେନ୍ଦ୍ର ଶାସିତ ଅଞ୍ଚଳ

ବାଘ ପାଇଁ ବାଇକ ଯାତ୍ରା । ବାଘର ସୁରକ୍ଷା ପାଇଁ ଭାରତ ଯାତ୍ରାରେ ଅଛନ୍ତି କୋଲକାତାର ଦମ୍ପତ୍ତି । ବନ୍ୟପ୍ରାଣୀଙ୍କ ସୁରକ୍ଷା ପାଇଁ ଜନ ସଚେତନତା କରିବାକୁ ବାହାରିଛନ୍ତି କୋଲକାତାର ରତିନ୍ଦ୍ର ଦାସ ଓ ତାଙ୍କ ସ୍ତ୍ରୀ ଗୀତାଞ୍ଜଳି । ସ୍ୱାମୀ ସମାଜସେବୀ ଓ ସ୍ତ୍ରୀ କୁଚିପୁଡି ନୃତ୍ୟାଙ୍ଗନା । କିନ୍ତୁ ଏବେ ଗୋଟିଏ ମିଶନରେ ବାହାରିପଡିଛନ୍ତି ଏହି ଦମ୍ପତ୍ତି । ଗତ ଫେବୃଆରୀ ମାସରୁ କୋଲକାତାରୁ ଯାତ୍ରା ଆରମ୍ଭ କରିଥିବା ଏହି ଦମ୍ପତ୍ତି ବର୍ତ୍ତମାନ ସୁଦ୍ଧା ୨୮ ରାଜ୍ୟ ଓ ୫ଟି କେନ୍ଦ୍ର ଶାସିତ ଅଞ୍ଚଳରେ ବାଘ ସୁରକ୍ଷାନେଇ ସଚେତନତାର ବାର୍ତ୍ତା ବାଣ୍ଟି ଚାଲିଛନ୍ତି । ଓଡିଶାର ଭୁବନେଶ୍ୱର ଆସି ବିଭିନ୍ନ ବନ୍ୟପ୍ରାଣୀ ସଂରକ୍ଷକ ଓ ବିଭିନ୍ନ ଅନୁଷ୍ଠାନକୁ ଯାଇ ଭେଟିଛନ୍ତି  ।

୩୫ ହଜାର କିଲୋମିଟରର ଏହି ଯାତ୍ରାରେ ୪୫ରୁ ଅଧିକ ବାଘ ଅଭୟାରଣ୍ୟ ବୁଲିସାରିଛନ୍ତି ଏହି ଦମ୍ପତ୍ତି ।  ଏହି ସମୟରେ ସ୍ଥାନୀୟ ଲୋକଙ୍କୁ ଭେଟିବା ସହ ବାଘର ସୁରକ୍ଷା ନେଇ ସଚେତନ କରିଛନ୍ତି । ଦିନକୁ ଦିନ ଜଙ୍ଗଲ ହ୍ର।ସ ହେବାରୁ ବାଘ ସଂଖ୍ୟା କମିଚାଲିଛି । ଶିକାରୀ ବି ସକ୍ରିୟ ହେଲେଣି । ଜଙ୍ଗଲ ହ୍ର।ସ ହେବାରୁ ବାଘ ଗାଁ ଭିତରକୁ ଚାଲି ଆସୁଛି ।

ଅନେକ ସମୟରେ ବାଘ ଓ ମଣିଷ ଭିତରେ ଲଢେଇ ବି ହେଉଛି । କେତେବେଳେ ଲୋକ ମରୁଛନ୍ତି ତ ପୁଣି କେତେବେଳେ ବାଘର ମୃତ୍ୟୁ ଘଟୁଛି ବୋଲି ରତିନ୍ଦ୍ର କହୁଛନ୍ତି ।
ପୂର୍ବରୁ ବନ୍ୟପ୍ରାଣୀଙ୍କ ସୁରକ୍ଷା ପାଇଁ ଭାରତ ଭ୍ରମଣ କରିଥିବାବେଳେ ଏଥର ବାଘର ସୁରକ୍ଷା ନେଇ ବିଭିନ୍ନ ଅଞ୍ଚଳରେ ଲୋକଙ୍କୁ ଭେଟୁଛନ୍ତି । ଭାରତ ଭ୍ରମଣ ସରିବା ପରେ ଆଗାମି ଦିନରେ ୧୨ଟି ଦେଶରେ ବାଘ ସୁରକ୍ଷା ନେଇ ଜନସଚେତନ କରିବା ପାଇଁ ଯୋଜନା ରଖିଛନ୍ତି ରତିନ୍ଦ୍ର ।

')}