ଟି୨୦: ସୂର୍ଯ୍ୟକୁମାରଙ୍କ ୧୧୧, ନ୍ୟୁଜିଲାଣ୍ଡ ଆଗରେ ୧୯୨ ରନର ବିଜୟ ଲକ୍ଷ୍ୟ

ବେ ଓଭାଲ: ଭାରତ-ନ୍ୟୁଜିଲାଣ୍ଡ ଦ୍ବିତୀୟ ଟି୨୦ ମ୍ୟାଚରେ ସୂର୍ଯ୍ୟକୁମାର ଯାଦବଙ୍କ ଧୂଆଁଧାର ବ୍ୟାଟିଂ । ୫୧ ବଲର ସମ୍ମୁଖୀନ ହୋଇ କଲେ ୧୧୧ ରନ୍ । ଏଥିରେ ରହିଛି ୧୧ଟି ଚୌକା ଓ ୭ଟି ଛକା । ନିର୍ଦ୍ଧାରିତ ଓଭରରେ ୬ ଓ୍ବିକେଟ ହରାଇ ଭାରତ ୧୯୧ ରନ୍ କରିଛି । ନ୍ୟୁଜିଲାଣ୍ଡ ଆଗରେ ୧୯୨ ରନର ବିଜୟ ଲକ୍ଷ୍ୟ ରହିଛି ।

ଟସ୍ ଜିତି ନ୍ୟୁଜିଲାଣ୍ଡ ଫିଲ୍ଡିଂ ନିଷ୍ପତ୍ତି ନେଇଥିଲା । ଅଧିନାୟକଙ୍କୁ ନିଷ୍ପତ୍ତିକୁ ନ୍ୟୁଜିଲାଣ୍ଡ ବୋଲର ଠିକ ପ୍ରମାଣିତ କରିଥିଲେ । ମାତ୍ର ୬ ରନ୍ କରି ପନ୍ତ ଆଉଟ ହୋଇଥିବା ବେଳେ ଭାରତକୁ ଲାଗିଥିଲା ପ୍ରଥମ ଝଟକା । ତେବେ ଅନ୍ୟତମ ଓପନର ଇଶାନ କିଷନଙ୍କ ସହ ସାଥ ଦେବାକୁ କ୍ରିଜକୁ ଓହ୍ଲାଇଥିଲେ ସୂର୍ଯ୍ୟକୁମାର । ଉଭୟ ମିଶି ନ୍ୟୁଜିଲାଣ୍ଡ ବୋଲରଙ୍କ ବିରୋଧରେ ହାତଖୋଲା ସର୍ଟ ଖେଳିଥିଲେ । କିଷାନ ୩୬ ରନ କରି ଆଉଟ ହୋଇଥିବା ବେଳେ ଶ୍ରୀୟସ ଆୟର ଏବଂ ହାର୍ଦ୍ଧିକ ପାଣ୍ଡ୍ୟା ୧୩ ରନ୍ ଲେଖାଏଁ କରିଥିଲେ । ଦୀପକ ଖାଡା ଏବଂ ଓ୍ବାସିଂଟନ ସୁନ୍ଦର ଖାତା ଖୋଲି ପାରିନଥିଲେ ।

ନ୍ୟୁଜିଲାଣ୍ଡ ତରଫରୁ ସାଉଥି ୩ଟି ଓ୍ବିକେଟ ନେଇଥିବା ବେଳେ ଏଲ. ଫର୍ଗୁସନ ୨ଟି ଓ ଆଇ. ସୋଧି ଗୋଟିଏ ଓ୍ବିକେଟ ନେଇଥିଲେ ।