୨୦୨୧ରେ ଭୀଷଣ ଗରମ ଯୋଗୁଁ ୧୫୯ ବିଲିୟନ ଡଲାର କ୍ଷତି ସହିଛି ଭାରତ: ରିପୋର୍ଟ

ଆସିଲା ଜଳବାୟୁ ପାରଦର୍ଶିତା ରିପୋର୍ଟ । ୨୦୨୧ରେ ଭୀଷଣ ଗରମ ପ୍ରବାହ ଯୋଗୁଁ ୧୫୯ ବିଲିୟନ ଡଲାରର କ୍ଷତି ସହିଛି ଭାରତ । ଆନ୍ତର୍ଜାତୀୟ ସଂଗଠନଗୁଡିକ ଦ୍ବାରା ପ୍ରକାଶିତ ଜଳବାୟୁ ପାରଦର୍ଶିତା ରିପୋର୍ଟରେ ଏହା ଦର୍ଶାଯାଇଛି । ଏପରିକି ଭାରତକୁ ଏଥିପାଇଁ ହରାଇବାକୁ ପଡିଛି ୧୬୭ ବିଲିୟନ ସମ୍ଭାବ୍ୟ କାର୍ଯ୍ୟ ସମୟ ।

ଏକ ରିପୋର୍ଟ ଅନୁଯାୟୀ, ଅତ୍ୟଧିକ ଗରମ ଯୋଗୁ ସେବା, ଉତ୍ପାଦନ, କୃଷି ଏବଂ ନିର୍ମାଣ କ୍ଷେତ୍ରରେ ଭାରତ ଏହାର ମୋଟ ଘରୋଇ ଉତ୍ପାଦର ୫.୪ ପ୍ରତିଶତ ଅର୍ଥାତ ୧୫୯ ବିଲିୟନ ଡଲାଲର ଆୟ ହରାଇଛି । ରିପୋର୍ଟରେ ଦର୍ଶାଯାଇଛି ଯେ, ୨୦୨୧ ମସିହାରେ ଦେଶରେ ଗରମ ଯୋଗୁ ପ୍ରାୟ ୧୬ ବିଲିୟନ ସମ୍ଭାବ୍ୟ କାର୍ଯ୍ୟ ସମୟ ହରାଇବାକୁ ପଡିଛି ।

ଯଦି ସାରା ବିଶ୍ବରେ ତାପମାତ୍ରାରେ ୧.୫ ଡିଗ୍ରୀ ସେଲସିୟସ ବୃଦ୍ଧି ହୁଏ, ତେବେ ଭାରତର ଶ୍ରମ ଉତ୍ପାଦକତା ୧୯୮୬ରୁ ୧୯୯୬ ମଧ୍ୟରେ ୫ ପ୍ରତିଶତ ହ୍ରାସ ପାଇବ ବୋଲି ଆକଳନ କରାଯାଇଛି । ରିପୋର୍ଟ ଅନୁଯାୟୀ ଯଦି ବିଶ୍ବ ତାପମାତ୍ରା ୨.୫ ଡିଗ୍ରୀ ସେଲସିୟସ ଏବଂ ୩ ଡିଗ୍ରୀ ସେଲସିୟସ ପରିଧିରେ ୨.୭ ଗୁଣ ବୃଦ୍ଧି ହୁଏ, ତେବେ ଶ୍ରମ ଉତ୍ପାଦନରେ ୨.୧ ଗୁଣରୁ ଅଧିକ ହ୍ରାସ ଘଟିବ ।