ଆଜିଠୁ ଆରମ୍ଭ ଭାରତ-ଶ୍ରୀଲଙ୍କା ଦିନିକିଆ ସିରିଜ

ଗୌହାଟୀ : ଆଜିଠୁ ଭାରତ-ଶ୍ରୀଲଙ୍କା ଦିନିକିଆ ସିରିଜ । ସିରିଜରେ ରହିଛି ୩ଟି ମ୍ୟାଚ୍ । ଆଜି ଦିନ ସାଢେ ଗୋଟାଏରେ ଆସାମ ଗୌହାଟୀରେ ଖେଳାଯିବ ପ୍ରଥମ ଦିନିକିଆ । ରୋହିତ ଶର୍ମାଙ୍କ ନେତୃତ୍ବରେ ପଡ଼ିଆକୁ ଓହ୍ଲାଇବ ଟିମ୍ ଇଣ୍ଡିଆ ।

ଆହତ କାରଣରୁ ବାଂଲାଦେଶ ଶୃଙ୍ଖଳାରୁ ବାଦ ପଡ଼ିଥିବା ରୋହିତ ଫିଟ ହୋଇ ପଡ଼ିଆକୁ ଓହ୍ଲାଉଛନ୍ତି । ଅନ୍ୟପଟେ ଟିମ ଇଣ୍ଡିଆକୁ ଲାଗିଛି ଏକ ଝଟକା । ଅନଫିଟ କାରଣରୁ ଦଳରୁ ବାଦ ପଡ଼ିଛନ୍ତି ଯଶପ୍ରୀତ ବୁମରା । ଟିଟ୍ବେଣ୍ଟି ସିରିଜ ବିଜୟ ସହିତ ମେନ ଇନ ବ୍ଲୁରର ମନୋବଳ ବେଶ୍ ଦୃଢ ରହିଛି । ଆରମ୍ଭରୁ ମ୍ୟାଚ୍ ଜିତି ଦିନିକିଆ ସିରିଜ ହାତେଇବା ଲକ୍ଷ୍ୟରେ ଆଗକୁ ବଢିବ ଭାରତ । ସେପଟେ ଶେଷ ଟି-ଟ୍ବେଣ୍ଟି ପରାଜୟର ବଦଲା ନେବାକୁ ରଣନୀତି କରିଛି ଶ୍ରୀଲଙ୍କା ।