ଦ୍ୱିତୀୟ ଇନିଂସରେ ଚମତ୍କାର ବୋଲିଂ, ହେଲେ ଆରମ୍ଭରୁ ବ୍ୟାଟିଂ ବିପର୍ଯ୍ୟୟ ସାମ୍ନା କଲା ଭାରତ
ଚେନ୍ନାଇ: ଦ୍ୱିତୀୟ ଇନିଂସରେ ଭାରତୀୟ ଟିମ୍ର ଆରମ୍ଭରୁ ବ୍ୟାଟିଂ ବିପର୍ଯ୍ୟୟ । ମାତ୍ର ୧୨ ରନ୍ କରି ରୋହିତ ଶର୍ମା ପ୍ୟାଭିଲିୟନ୍ ଫେରିଯାଇଛନ୍ତି । ଏବେ ଚେତେଶ୍ୱର ପୁଜାରା ଓ ସୁଭମନ ଗିଲ୍ ପାର୍ଟନରସିପ୍ରେ ଭାରତୀୟ ଟିମ୍ ଆଗକୁ ବଢ଼ୁଛି । ୧୧ ଓଭରରେ ସୁଦ୍ଧା ଦଳ ୩୫ ରନ୍ କରି ଗୋଟିଏ ଓ୍ୱିକେଟ୍ ହରାଇଛି । ସୁଭମନ ଗିଲ୍ ୩୦ ବଲ ଖେଳି ୧୪ ରନ୍ ସଂଗ୍ରହ କରିଥିବା ବେଳେ ଚେତେଶ୍ୱର ପୁଜାରା ୧୮ ବଲ୍ ଖେଳି ୯ ରନ୍ କରିଛନ୍ତି । ଉଭୟ ଏବେ କ୍ରିଜ୍ରେ ଅଛନ୍ତି । ବିଶେଷଜ୍ଞଙ୍କ କହିବାନୁଯାୟୀ ଯଦି ଏହି ଯୋଡ଼ି ଅଧିକ ସମୟ କ୍ରିଜ୍ରେ ରୁହନ୍ତି ତେବେ ଭାରତ ହାତରେ ମ୍ୟାଚ୍ ରହିବ ।
ଏହି ଟେଷ୍ଟ ମ୍ୟାଚ୍ରେ ଇଂଲଣ୍ଡ ପ୍ରଥମେ ବ୍ୟାଟିଂ କରିବା ପାଇଁ ମଇଦାନକୁ ଓହ୍ଲାଇଥିଲା । ପ୍ରଥମ ଇନିଂସରେ ଇଂଲଣ୍ଡ ବ୍ୟାଟ୍ସମ୍ୟାନ୍ ଭଲ ପ୍ରଦର୍ଶନ କରିଥିଲେ । ୧୯୦.୧ ଓଭରରେ ୫୭୮ ରନ୍ କରି ଅଲ୍ ଆଉଟ୍ ହୋଇଥିଲା ଦଳ । ଏହା ପରେ ଭାରତ ବ୍ୟାଟିଂ କରିବାକୁ ମଇଦାନକୁ ଓହ୍ଲାଇଥିବା ବେଳେ ମାତ୍ର ୯୫.୫ ଓଭର ଖେଳି ମୋଟ ୩୩୭ ରନ୍ କରି ଅଲ୍ଆଉଟ୍ ହୋଇଥିଲା ।
ତେବେ ଦ୍ୱିତୀୟ ଇନିଂସରେ ଇଂଲଣ୍ଡ ଅତ୍ୟନ୍ତ ଖରାପ ପ୍ରଦର୍ଶନ କରିଥିବା ବେଳେ ସବୁ ଭାରତୀୟ ବୋଲର ଚମତ୍କାର ପ୍ରଦର୍ଶନ କରିଥିଲେ । ଏହାସହ ଘାତକ ବୋଲିଂ କରି ଭାରତୀୟ ବୋଲରମାନେ ଇଂଲଣ୍ଡକୁ ମାତ୍ର ୧୭୮ ରନ୍ରେ ଅଲ୍ଆଉଟ୍ କରିଦେଇଥିଲେ । ଏହାର ଜବାବରେ ଏବେ ଭାରତୀୟ ଦଳ ବ୍ୟାଟିଂ ପାଇଁ ମଇଦାନକୁ ଓହ୍ଲାଇଛି ।
