ଆହୁରି ୧୨ ଦିନ ସଂକ୍ରମଣ ସଂଖ୍ୟା ବଢିବ, ଦିଲ୍ଲୀ ଏମ୍ସରେ ମାସ୍କ ବାଧ୍ୟତାମୂଳକ

ନୂଆଦିଲ୍ଲୀ: ଦେଶରେ ବଢୁଛି କରୋନା ସଂକ୍ରମଣ । ୨୪ ଘଣ୍ଟାରେ ୧୦ ହଜାର ୧୫୮ ଜଣ ସଂକ୍ରମିତ ହୋଇଛନ୍ତି । ସକ୍ରିୟ ମାମଲା ରହିଛି ୪୪ ହଜାର ୯୯୮ । ଟେଷ୍ଟିଂ ବଢୁଥିବାରୁ ସଂଖ୍ୟା ବଢୁଛି ବୋଲି ସ୍ବାସ୍ଥ୍ୟ ବିଶେଷଜ୍ଞ କହିଛନ୍ତି । ଆସନ୍ତା ୧୦ରୁ ୧୨ ଦିନ ସଂକ୍ରମଣ ସଂଖ୍ୟା ଅଧିକ ରହିବ । ଏହାପରେ ଧିରେ ଧିରେ ସଂକ୍ରମଣ ସଂଖ୍ୟା କମିବ । ଦେଶରେ କରୋନା ଏବେ ଶେଷ ପର୍ଯ୍ୟାୟରେ ରହିଛି ।

ସଂକ୍ରମଣ ବଢୁଥିଲେ ବି ହସ୍ପିଟାଲରେ ଭର୍ତ୍ତି ସଂଖ୍ୟା କମିଛି । ଲୋକେ କେହି ଗୁରୁତର ହେଉନାହାନ୍ତି । କୋଭିଡ ନିୟମ ମାନି ସତର୍କ ରହିବାକୁ ପରାମର୍ଶ ଦିଆଯାଇଛି । ଦିଲ୍ଲୀ ଏମ୍ସରେ ମାସ୍କ ପିନ୍ଧିବା ବାଧ୍ୟତାମୂଳକ କରାଯାଇଛି । ଓମିକ୍ରନର ସବଭାରିଆଣ୍ଟ ଅଧିକ ସଂକ୍ରାମକ ହୋଇଥିବାରୁ ଲୋକେ ଅଧିକ ସଂକ୍ରମିତ ହେଉଛନ୍ତି ।