ଦିନକରେ ଦେଶରୁ ୩,୧୫୭ ନୂଆ କୋଭିଡ୍ ମାମଲା ଚିହ୍ନଟ

ନୂଆଦିଲ୍ଲୀ: କଡ଼ ଲେଉଟାଉଛି କରୋନା। ଲଗାତାର ୩ ସପ୍ତାହ ହେବ ଉପରମୁହାଁ କରୋନା ସଂକ୍ରମଣ। ମୋଟ୍ ୨୦ ରାଜ୍ୟରେ କରୋନା କାୟା ବିସ୍ତାର କରି ଚାଲିଛି। ଗତ ସପ୍ତାହକରେ ୪୧ପ୍ରତିଶତ ବଢିଛି ସଂକ୍ରମଣ ହାର।  ତେବେ ଏକ ସପ୍ତାହକରେ ବଢିନି କୌଣସି ମୃତ୍ୟୁ ସଂଖ୍ୟା। ଶେଷ ସପ୍ତାହରେ ୨୯ କୋଭିଡ ଆକ୍ରାନ୍ତଙ୍କ ମୃତ୍ୟୁ ହୋଇଥିଲା।

ଦିନକରେ ୩୧୫୭ ନୂଆ କୋଭିଡ୍ ମାମଲା ଚିହ୍ନଟ ହୋଇଛି ।

India records 3,157 new COVID19 cases today; Active caseload at 19,500 pic.twitter.com/CWfFIq2KJY

— ANI (@ANI) May 2, 2022

ଏପ୍ରିଲ ୨୫ରୁ ମେ ୧ ସପ୍ତାହକରେ ଦେଶରେ ୨୨ ହଜାର ୨୦୦ ନୂଆ କୋଭିଡ଼ ଆକ୍ରାନ୍ତ ଚିହ୍ନଟ ହୋଇଛନ୍ତି। ଯାହା ପୂର୍ବ ସପ୍ତାହରୁ ୪୧ ପ୍ରତିଶତ ଅଧିକା ବୃଦ୍ଧି ପାଇଛି। ପୂର୍ବ ସପ୍ତାହରେ ୧୫ହଜାର ୮୦୦ ରହିଥିଲା କୋଭିଡ କେସ୍। ବିଶେଷକରି ଦିଲ୍ଲୀ, ହରିୟାଣା ଓ ୟୁପିରେ ସଂକ୍ରମିତଙ୍କ ସଂଖ୍ୟା ବଢିଛି। ସପ୍ତାହକରେ ମୋଟ୍ ସଂକ୍ରମିତଙ୍କ ମଧ୍ୟରେ ୬୮ପ୍ରତିଶତ କେସ୍ ହେଉଛି କେବଳ ଦିଲ୍ଲୀ, ହରିୟାଣା ଓ ୟୁପିରୁ । ଗୋଟେ ସପ୍ତାହରେ ଦିଲ୍ଲୀରେ ୫୩ ପ୍ରତିଶତ ଅର୍ଥାତ୍ ୯ହଜାର ୬୮୪ ଆକ୍ରାନ୍ତ ଚିହ୍ନଟ ହୋଇଛନ୍ତି ।