ଦେଶରେ ବଢୁଛି କରୋନା ସଂକ୍ରମଣ; ଦିନକରେ ୨୫୪୧ ପଜିଟିଭ୍

1 min read

ନୂଆଦିଲ୍ଲୀ: ଦେଶରେ ଗତ ୨୪ ଘଣ୍ଟା ମଧ୍ୟରେ ୨୫୪୧ ଜଣ ନୂଆ କୋଭିଡ ସଂକ୍ରମିତ ଚିହ୍ନଟ ହୋଇଛନ୍ତି । ଯେଉଁଥିରେ ୩୦ ଜଣଙ୍କ ମୃତ୍ୟୁ ଘଟିଛି । ବର୍ତ୍ତମାନ ସମୟରେ ସଂକ୍ରମଣ ୦.୮୪ ପ୍ରତିଶତ ରହିଥିବା ବେଳେ ଆକ୍ଟିଭ କେସ୍ ୧୬ ହଜାର ୫୨୨ ରହିଛି । ଦିନକରେ ସୁସ୍ଥ ହୋଇଛନ୍ତି ୧,୮୬୨ ଲୋକ।

ସେହିପରି ଦିଲ୍ଲୀରେ ମଧ୍ୟ ସଂକ୍ରମଣ ବଢିବାରେ ଲାଗିଛି । ଗତ ୨୪ ଘଣ୍ଟାରେ ୧ ହଜାର ୦୮୩ ସଂକ୍ରମିତ ଚିହ୍ନଟ ହୋଇଥିବା ବେଳେ ଜଣେ ସଂକ୍ରମିତଙ୍କ ମୃତ୍ୟୁ ହୋଇଛି। ଦିଲ୍ଲୀରେ ବର୍ତ୍ତମାନ ସକ୍ରିୟ ପଜିଟିଭଙ୍କ ସଂଖ୍ୟା ରହିଛି ୩ ହଜାର ୯୭୫ । ପ୍ରତିଦିନ ସଂକ୍ରମଣ ୧ ହଜାର ଉପରେ ରହୁଥିବାରୁ ଏଥିରେ ରୋକ ଲଗାଇବା ଲାଗି ପଦକ୍ଷେପ ନେଇଛନ୍ତି ଦିଲ୍ଲୀ ସରକାର ।

Mumbai Reports Second Case Of XE Variant Corona

ତେବେ କୋଭିଡ ସ୍ଥିତିର ମୁକାବିଲା ଲାଗି ଆସନ୍ତା ବୁଧବାର ମୁଖ୍ୟମନ୍ତ୍ରୀ ମାନଙ୍କ ସହ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଭିଡିଓ କନଫରେନ୍ସିଂରେ ଆଲୋଚନା କରିବାର କାର୍ଯ୍ୟକ୍ରମ ରହିଛି । ଦେଶରେ କୋଭିଡ ମୁକାବିଲା ଓ ପଦକ୍ଷେପ ସମ୍ପର୍କରେ ଏହି ସମ୍ମିଳନୀରେ ରିପୋର୍ଟ ଉପସ୍ଥାପନ କରିବେ କେନ୍ଦ୍ର ସ୍ବାସ୍ଥ୍ୟ ସଚିବ ରାଜେଶ ଭୂଷଣ । ଗତ ଜାନୁଆରୀ ୧୩ ତାରିଖରେ ପ୍ରଧାନମନ୍ତ୍ରୀ ମୋଦି ମୁଖ୍ୟମନ୍ତ୍ରୀ ମାନଙ୍କ ସହ ଏକ ସମ୍ମିଳନୀରେ କୋଭିଡ ସମ୍ପର୍କରେ ଆଲୋଚନା କରିଥିଲେ ।

[DISPLAY_ULTIMATE_SOCIAL_ICONS]