ଦେଶରେ କରୋନା ସଂକ୍ରମଣ ମାମଲାରେ ସବୁଠୁ ବଡ ବୃଦ୍ଧି,୨୪ ଘଣ୍ଟାରେ ୬ହଜାର ସଂକ୍ରମିତ
ନୂଆଦିଲ୍ଲୀ: ଦେଶରେ କରୋନା ଭାଇରସ ଆତଙ୍କ ସୃଷ୍ଟି କରିଥିବା ବେଳେ ଗତ ୨୪ ଘଣ୍ଟା ଭିତରେ ୬ ହଜାର ୧୦୦ ନୂଆ ମାମଲା ସାମ୍ନାକୁ ଆସିଛି । ଗୁରୁବାର ସକାଳ ୮ରୁ ଶୁକ୍ରବାର ସକାଳ ୭ ଟା ଭିତରେ ଦେଶରେ ୬୧୦୦ କରୋନା ସଂକ୍ରମିତଙ୍କ ସନ୍ଧାନ ମିଳିଛି । ଏହି ନୂଆ ୬ ହଜାର ମାମଲା ସହ ଦେଶେ ମୋଟ କରୋନା ସଂକ୍ରମିତଙ୍କ ସଂଖ୍ୟା ୧ ଲକ୍ଷ ୧୮ ହଜାର ୪୪୭ରେ ପହଂଚିଛି । ଏହାଭିତରେୁ ୬୬,୩୩୦ ଆକ୍ଟିଭ୍ ମାମଲା ହୋଇଥିବା ବେଳେ ୪୮ ହଜାର ୫୩୩ ଜଣ ଡିସଚାର୍ଜ ହୋଇଛନ୍ତି । ଅନ୍ୟପକ୍ଷରେ ୩ ହଜାର ୫୮୩ ଜଣ ଏଥିରେ ପ୍ରାଣ ହରାଇଛନ୍ତି ।
ବର୍ତ୍ତମାନ ପର୍ଯ୍ୟନ୍ତ ଆଣ୍ଡାମାନ ନିକୋବର ଦ୍ୱିପପୁଂଜରେ ୩୩,ଆନ୍ଧ୍ରପ୍ରଦେଶ ୨୬୪୭, ଅରୁଣାଚଳ ପ୍ରଦେଶର ୧,ବିହାରରେ ୧୯୮୨, ଆସାମରେ ୨୦୩,ଚଣ୍ଡିଗଡରେ ୨୧୭,ଛତିସଗଡରେ ୧୨୮,ଦାଦ୍ରା ନଗର ହାବେଲୀରେ ୧,ଦିଲ୍ଲୀରେ ୧୧୬୫୯,ଗୋଆରେ ୫୨,ଗୁଜୁରାଟରେ ୧୨୯୦୫,ହରିଆନାରେ ୧୦୩୧,ଜମ୍ମୁକାଶ୍ମୀରରେ ୧୪୪୯,ଓଡ଼ିଶାରେ ୧୧୦୩,ପୁଡୁଚେରିରି ୨୦,ରାଜସ୍ଥାନରେ ୬୨୨୭,ତାମିଲନାଡୁରେ ୧୩୯୬୭,ମହାରାଷ୍ଟ୍ରରେ ୪୧୬୪୨ ଜଣ ସଂକ୍ରମିତ ହୋଇଛନ୍ତି ।
ଦେଶରେ ସଂକ୍ରମିତଙ୍କ ସଂଖ୍ୟା ଅନ୍ୟ ଦେଶ ତୁଳନାରେ କମ ଅଛି । ଏପରିକି ଭଲ ହେଉଥିବା ରୋଗୀଙ୍କ ସଂଖ୍ୟା ମଧ୍ୟ ପ୍ରତିଶ୍ରତ ଦୃଷ୍ଟିରୁ ଅଲଗା ଦେଶ ତୁଳନାରେ ଭାରତରେ ଅଧିକ । କିନ୍ତୁ ବିଶେଷଜ୍ଞଙ୍କ କହିବା ହେଉଛି ଜୁନ ମାସ ବେଳକୁ ଭାରତରେ ସଂକ୍ରମିତଙ୍କ ସଂଖ୍ୟା ଅଧିକ ହେବ । ଏହାସହ ଲକଡାଉନ୍ ୪.୦ରେ ଅଧିକ ରିହାତି ଦିଆଯାଇଛି । ଏହି ରିହାତି କାରଣରୁ ଦେଶରେ ସଂକ୍ରମିତଙ୍କ ସଂଖ୍ୟା ବଢିବା ଆଶଙ୍କା କରାଯାଉଛି । ଗତ ୨୪ ଘଣ୍ଟାରେ ୬ ହଜାର ନୂଆ ସଂକ୍ରମିତଙ୍କ ଚିହ୍ନଟ ସେହି ଦୀଗ ଆଡକୁ ଇଶାରା କରୁଛି । କାରଣ କରୋନା ଭାରତରେ ପହଂଚିବା ପରଠାରୁ ଏହା ହେଉଛି ୨୪ ଘଣ୍ଟାରେ ସର୍ବାଧିକ ସଂକ୍ରମିତ ଚିହ୍ନଟ ।
ବିଶ୍ୱକୁ କରୋନା ଭାଇରସ୍ରୁ ମୁକ୍ତ କରିବା ପାଇଁ ଚୀନ୍ର ୨ଟି ବଡ଼ ନିଷ୍ପତ୍ତି
