ରେକର୍ଡ ଭାଙ୍ଗୁଛି କରୋନା; ଦିନକରେ ଦେଶରୁ ୨୧୮୩ ସଂକ୍ରମିତ ଚିହ୍ନଟ

ନୂଆଦିଲ୍ଲୀ: କିଛିମାସର ବ୍ୟବଧାନ ପରେ ଉପରମୁହାଁ ହେଉଛି କରୋନା ଆକ୍ରାନ୍ତଙ୍କ ସଂଖ୍ୟା । ଗତ ୨୪ ଘଣ୍ଟାରେ ଦେଶରେ ଦୈନିକ ୨୧୮୩ ସଂକ୍ରମଣ ଚିହ୍ନଟ ହୋଇଛନ୍ତି।  ରବିବାର ୧୧ଶହ ୫୦ କେସ୍ ଚିହ୍ନଟ ହୋଇଥିବା ବେଳେ ସୋମବାର ଦିନ ୨୧ ଶହ ୮୩ ମାମଲା ଚିହ୍ନଟ ହୋଇଛି ।

ଦେଶରେ ଦିନକରେ ୨୧୮୩ କରୋନା ସଂକ୍ରମିତ ଚିହ୍ନଟ ହୋଇଥିବା ବେଳେ ୧୯୮୫ ଆକ୍ରାନ୍ତ ଆରୋଗ୍ୟ ଲାଭ କରିଛନ୍ତି । ସେହିପରି ଗୋଟିଏ ଦିନରେ ୨୧୪ କରୋନା ଆକ୍ରାନ୍ତଙ୍କ ମୃତ୍ୟୁ ହୋଇଥିବା ରିପୋର୍ଟ ଦେଇଛି ସ୍ବାସ୍ଥ୍ୟ ମନ୍ତ୍ରଣାଳୟ ।

India reports 2,183 fresh #COVID19 cases, 1,985 recoveries and 214 deaths in the last 24 hours.

Active cases 11,542 pic.twitter.com/UfFx8H3ao4

— ANI (@ANI) April 18, 2022

ସବୁଠୁ ଅଧିକ ମାମଲା ଦିଲ୍ଲୀ-ଏନସିଆରରେ ଦେଖାଯାଇଛି।  ନୂଆ ଆକ୍ରାନ୍ତଙ୍କ ସଂଖ୍ୟାକୁ ମିଶାଇ ଦେଶରେ ସଂକ୍ରମଣ ହାର ଶୂନ ଦଶମିକ ୮୩ ରେ ପହଞ୍ଚିଛି । ରାଜଧାନୀ ଦିଲ୍ଲୀରେ ୨୪ ଘଣ୍ଟାରେ ୫୧୭ କେସ୍ ସାମ୍ନାକୁ ଆସିଛି । ନୋଏଡାରେ ୬୫କେସ୍ ଚିହ୍ନଟ ହୋଇଛି । ଦିଲ୍ଲୀ ପରେ ଗୁରୁଗ୍ରାମରେ ସବୁଠୁ ଅଧିକ ୧୫୭ ମାମଲା ଠାବ ହୋଇଛି । ଫରିଦାବାଦରେ ୩୨ ଓ ଗାଜିଆବାଦରେ ୨୭ ନୂଆ କେସ୍ ଚିହ୍ନଟ ହୋଇଛି । ଉତ୍ତରପ୍ରଦେଶ, ପଞ୍ଜାବ, ହରିୟାଣାରେ ବି ବଢୁଥିବା ସଂକ୍ରମଣ ଚିନ୍ତାର କାରଣ ପାଲଟିଛି ।