୨୪ ଘଣ୍ଟାରେ ଦେଶରେ ୧ଲକ୍ଷ ୬୫ହଜାର ୫୫୩ କରୋନା ପଜିଟିଭ୍ ଚିହ୍ନଟ
ଦେଶରେ ଖସୁଛି କରୋନା ସଂକ୍ରମଣ ଗ୍ରାଫ । ଗତ ୨୪ ଘଣ୍ଟାରେ ଦେଶରେ ୧ଲକ୍ଷ ୬୫ହଜାର ୫୫୩ କରୋନା ପଜିଟିଭ୍ ଚିହ୍ନଟ ହୋଇଥିବା ବେଳେ ୨ଲକ୍ଷ ୭୬ ହଜାର ୩୦୯ଜଣ ସୁସ୍ଥ ହୋଇଛନ୍ତି ।
ଗତ ୨୪ ଘଣ୍ଟାରେ ୩ହଜାର ୪୬୦ଜଣଙ୍କ ଜୀବନ ନେଇଛି ମହାମାରୀ ଭୂତାଣୁ । ତାମିଲନାଡୁ, ମିଜୋରାମ ଓ ପଶ୍ଚିମବଙ୍ଗରେ କରୋନା ସଂକ୍ରମଣ ବଢ଼ିବାରେ ଲାଗୁଥିବା ବେଳେ ଦିଲ୍ଲୀ, ଛତିଶଗଡ, ମଧ୍ୟପ୍ରଦେଶ, ମହାରାଷ୍ଟ୍ର ଓ ଗୁଜରାଟରେ ଧୀରେ ଧୀରେ କରୋନା ସଂକ୍ରମଣ କମିବାରେ ଲାଗିଛି । ତେବେ ଦେଶରେ ଏଯାଏ ମୋଟ୍ 2କୋଟି 78 ଲକ୍ଷ 94ହଜାର 800ଶହ ଜଣ କରୋନା ସଂକ୍ରମଣରେ ଆସିସାରିଲେଣି । ସେହିପରି ଦେଶରେ 2କୋଟି 54ଲକ୍ଷ 54ହଜାର 320 ଜଣ କରୋନାରୁ ମୁକ୍ତ ହୋଇଥିବା ବେଳେ ବର୍ତ୍ତମାନ ଦେଶରେ ମୋଟ୍ ଆକ୍ଟିଭ୍ କେସ୍ ରହିଛି 21ଲକ୍ଷ 14ହଜାର 508 । ଏଯାଏ ଦେଶରେ କରୋନା ଯୋଗୁ 3ଲକ୍ଷ 25ହଜାର 972ଜଣଙ୍କ ଜୀବନ ଗଲାଣି ।
