ଜାଣନ୍ତୁ ଅଷ୍ଟ୍ରେଲିଆ ବିପକ୍ଷ ମ୍ୟାଚରେ ଭାରତର ପ୍ଲେଇଙ୍ଗ ୧୧ରେ କାହାକୁ ମିଳିବ ସ୍ଥାନ?

ନୂଆଦିଲ୍ଲୀ: ସୁପର ସଣ୍ଡେରେ ସୁପର ମ୍ୟାଚ୍ । ଅଷ୍ଟ୍ରେଲିଆ ବିପକ୍ଷରେ ବିଶ୍ବକପ ଅଭିଯାନ ଆରମ୍ଭ କରିବ ଭାରତ । ଚେନ୍ନାଇରେ ଏହି ହାଇଭୋଲଟେଜ ମ୍ୟାଚ ଅନୁଷ୍ଠିତ ହେବାକୁ ଥିବାବେଳେ ଦୁଇ ଶକ୍ତିଶାଳୀ ଦେଶ ମଧ୍ୟରୁ କାହାର ପଲ୍ଲା ଭାରି ରହିବ ତାକୁ ନେଇ ଏବେ ଚର୍ଚ୍ଚା ଆରମ୍ଭ ହୋଇଛି । ତେବେ ଭାରତୀୟ ଦଳର ସମସ୍ତ ଖେଳାଳି ଏବେ ଦମଦାର ଫର୍ମରେ ରହିଥିବାବେଳେ କାହାକୁ ସ୍ଥାନ ମିଳିବ ଏଭଳି ପ୍ରଶ୍ନ ସମସ୍ତଙ୍କ ମନରେ ଉଠିଛି । ୩ଜଣ ସ୍ପିନରଙ୍କୁ ଦଳରେ ସୁଯୋଗ ମିଳିପାରେ । ଓପନର ଶୁଭମନ ଗିଲ ଡେଙ୍ଗୁ ଚିହ୍ନଟ ହେବା ପରେ ଦଳର ଚିନ୍ତା ବଢ଼ିଯାଇଛି । ତେବେ ମହମ୍ମଦ ସାମି ଏବଂ ସୂର୍ଯ୍ୟ କୁମାର ଯାଦବଙ୍କ ଦଳରେ ସ୍ଥାନ ମିଳିବାର ଆଶା ବହୁତ କମ ରହିଥିବା କୁହାଯାଉଛି ।

ବିଶ୍ୱକପ୍‌ର ପ୍ରଥମ ମ୍ୟାଚ୍‌ରେ ଭାରତୀୟ ଦଳର ପ୍ଲେଇଙ୍ଗ ୧୧ କଥା କହିବା ତାହେଲେ ରୋହିତ ଶର୍ମା ଏବଂ ଇଶାନ କିଶନ ଓପନର୍ ଭାବରେ ଖେଳିପାରିବେ। 3 ନମ୍ବର ସ୍ଥାନରେ ବିରାଟ କୋହଲିଙ୍କ ସ୍ଥାନ ନିଶ୍ଚିତ ହୋଇଛି। ଶ୍ରେୟସ୍ ଆୟର ନମ୍ବର -4 ରେ ଏବଂ କେ.ଏଲ୍ ରାହୁଲ -5 ରେ ଖେଳିବା ନିଶ୍ଚିତ | ଆଘାତ ପରେ ଫେରୁଥିବାବେଳେ ଉଭୟ ରାହୁଲ ଏବଂ ଆୟର ବ୍ୟାଟିଂ ଶତକ ହାସଲ କରିଛନ୍ତି।

ସେପଟେ ୩ଜଣ ସ୍ପିନରଙ୍କୁ କଙ୍ଗାରୁ ବିପକ୍ଷ ମ୍ୟାଚରେ ସୁଯୋଗ ଦିଆ ଯାଇପାରେ । ଏଭଳି ପରିସ୍ଥିତିରେ ଦ୍ରୁତ ବୋଲର ମହମ୍ମଦ ଶାମି ଏବଂ ଶାର୍ଦ୍ଦୁଲ ଠାକୁରଙ୍କୁ ଅଷ୍ଟ୍ରେଲିଆ ବିପକ୍ଷରେ ସୁଯୋଗ ମିଳିବ ନାହିଁ। ସୂର୍ଯ୍ୟକୁମାର ଯାଦବଙ୍କୁ ପ୍ଲେଇଙ୍ଗ ୧୧ରୁ ବାଦ ପଡ଼ି ପାରନ୍ତି । ହାର୍ଦ୍ଦିକ ପାଣ୍ଡ୍ୟା, ରବିନ୍ଦ୍ର ଜାଡେଜା ଏବଂ ଆର ଅଶ୍ୱିନ ଅଲରାଉଣ୍ଡର ଭାବରେ ଖେଳି ପାରନ୍ତି । ବାମହାତୀ ସ୍ପିନର କୁଲଦୀପ ଯାଦବଙ୍କ ବ୍ୟତୀତ ଜସପ୍ରୀତ ବୁମରା ଏବଂ ମହମ୍ମଦ ସିରାଜ ଦ୍ରୁତ ବୋଲର ଭାବରେ ଖେଳିବେ ବୋଲି ନିଶ୍ଚିତ ହୋଇଛି।

ସମ୍ଭାବ୍ୟ ଭାରତୀୟ ଦଳ
ରୋହିତ ଶର୍ମା, ଇଶାନ କିଶନ, ବିରାଟ କୋହଲି, ଶ୍ରେୟସ ଆୟର, କେ.ଏଲ୍ ରାହୁଲ, ହାର୍ଦ୍ଦିକ ପାଣ୍ଡ୍ୟା, ରବିନ୍ଦ୍ର ଜାଡେଜା, ଆର ଅଶ୍ୱିନ, କୁଲଦୀପ ଯାଦବ, ଜସପ୍ରୀତ ବୁମରା ଏବଂ ମହମ୍ମଦ ସିରାଜ।