କରୋନା ସଙ୍କଟ: ସଂକ୍ରମଣରେ ଇଟାଲୀକୁ ପଛରେ ପକାଇଲା ଭାରତ

ନୂଆଦିଲ୍ଲୀ: ଜୁନ୍ ମାସ ଆରମ୍ଭରୁ ହିଁ ଭାରତରେ କରୋନାଭାଇରସ୍ ଅନିୟନ୍ତ୍ରିତ ହେବାରେ ଲାଗିଛି । ବର୍ତ୍ତମାନ ଦେଶରେ ପ୍ରତ୍ୟେକ ଦିନ ପ୍ରାୟ ୯୦୦୦ ନୂଆ ମାମଲା ଆସୁଛି । ଶୁକ୍ରବାର ବିଳମ୍ବିତ ରାତିରେ ଦେଶରେ କୋଭିଡ -୧୯ ମାମଲା ୨ଲକ୍ଷ ୩୬ହଜାର ଅତିକ୍ରମ କରିଛି । ସବୁଠାରୁ ଚିନ୍ତାଜନକ ବିଷୟ ହେଉଛି ଭାରତରେ ମୃତ୍ୟୁ ହାର ମଧ୍ୟ ସେହି କ୍ରମରେ ବୃଦ୍ଧି ପାଇଛି । ଇଟାଲୀକୁ ପଛରେ ପକାଇ ଭାରତ ବର୍ତ୍ତମାନ ଅଧିକାଂଶ କରୋନା ମାମଲାରେ ଷଷ୍ଠ ସ୍ଥାନକୁ ଆସିଛି । ଏବଂ ଇଟାଲୀ ସାତ ନମ୍ବରକୁ ଖସି ଆସିଛି । ତେବେ ଏପର୍ଯ୍ୟନ୍ତ ସୁଦ୍ଧା ଆମେରିକା ଏକ ନମ୍ବରରେ ରହିଛି। ଏବଂ ଏଠାରେ ହିଁ ଅଧିକାଂଶ ମୃତ୍ୟୁ ମାମଲା ସାମ୍ନାକୁ ଆସିଛି ।

ସରକାରୀ ତଥ୍ୟ ଅନୁଯାୟୀ, ଶୁକ୍ରବାର ଦିନ ଭାରତରେ କୋଭିଡ -୧୯ ମାମଲାର ମୋଟ ସଂଖ୍ୟା ପ୍ରାୟ ୨ଲକ୍ଷ ୨୬ହଜାରରେ ପହଞ୍ଚିଛି । ‘ୱାର୍ଲ୍ଡ ମିଟର୍ସ’ ଅନୁଯାୟୀ, ରାତି ସୁଦ୍ଧା ଭାରତରେ ୯୩୦୦ ମାମଲା ବୃଦ୍ଧି ପାଇଛି । ଏହିପରି, ଭାରତରେ ମୋଟ ମାମଲା ବର୍ତ୍ତମାନ ୨ଲକ୍ଷ ୩୬ହଜାରକୁ ବୃଦ୍ଧି ପାଇଛି । ଏହି ସମୟ ମଧ୍ୟରେ ଇଟାଲୀରେ ପ୍ରାୟ ୪୮୦ ମାମଲା ରୁଜୁ ହୋଇଥିଲା । ଏହିପରି ଭାବେ ଇଟାଲିରେ କରୋନା ସଂକ୍ରମିତଙ୍କ ସଂଖ୍ୟା ୨ଲକ୍ଷ ୩୪ହଜାର ୫୩୧ରେ ପହଞ୍ଚିଛି । ତେବେ ଏହି କ୍ରମରେ ଭାରତ ଇଟାଲିକୁ ପଛରେ ପକାଇଛି ।

ଖୁବ୍ ଶୀଘ୍ର ଭାରତ ସ୍ପେନ-ବ୍ରିଟେନକୁ ପଛରେ ପକାଇବ ?

ଭାରତରେ ଯେଉଁଭଳି ଭାବେ ସଂକ୍ରମିତଙ୍କ ସଂଖ୍ୟା ଦ୍ରୁତ ଗତିରେ ବୃଦ୍ଧି ପାଉଛି ଏହା ସ୍ପେନ୍ ଏବଂ  ବ୍ରିଟେନକୁ ପଛରେ ପାକାଇବ ବୋଲି ଆଶଙ୍କା କରାଯାଉଛି ।  ବର୍ତ୍ତମାନ ସ୍ପେନରେ ୨ଲକ୍ଷ ୮୮ହଜାର  ମାମଲା ଏବଂ ବ୍ରିଟେନରେ ୨ ଲକ୍ଷ ୮୩ ହଜାର ମାମଲା ରହିଛି । ଏହାସହ  ଏହି ଦେଶମାନଙ୍କରେ ନୂଆ ମାମଲାର ସଂଖ୍ୟା ହ୍ରାସ ପାଇଛି । ଏଥି ସହିତ ଗତ ତିନି ଦିନ ଧରି ଭାରତରେ ୯ହଜାରରୁ ଅଧିକ ନୂଆ ମାମଲା ଆସୁଛି । ଏଥିରୁ ଜଣାପଡୁଛି ଯେ ଭାରତ ଆଗାମୀ ୬ଦିନ ଭିତରେ ଏହି ଦୁଇ ଦେଶକୁ ପଛରେ ପକାଇବ ।

ଦେଶ                  ସଂକ୍ରମିତ

ଆମେରିକା           ୧୯.୩୬ଲକ୍ଷ

ବ୍ରାଜିଲ                ୬.୨୧ଲକ୍ଷ

ଋଷ                   ୪.୫୦ଲକ୍ଷ

ସ୍ପେନ୍                  ୨.୮୮ଲକ୍ଷ

ବ୍ରିଟେନ                ୨.୮୩ଲକ୍ଷ

ଭାରତ                ୨.୩୬ଲକ୍ଷ

ଇଟାଲୀ               ୨.୩୪ଲକ୍ଷ

ପେରୁ                 ୧.୮୭ଲକ୍ଷ

ଜର୍ମାନୀ               ୧.୮୫ଲକ୍ଷ

ତୁର୍କୀ                   ୧.୬୮ଲକ୍ଷ