ଅର୍ଦ୍ଧନିମିତ ହେବ ତ୍ରିରଙ୍ଗା, ମହାରାଣୀଙ୍କ ବିୟୋଗରେ ଦିନିକିଆ ଶୋକ ପାଳୁଛି ଭାରତ

ନୂଆଦିଲ୍ଲୀ: ବ୍ରିଟେନ ମହାରାଣୀ ଏଲିଜାବେଥ ଦ୍ବିତୀୟଙ୍କ ପରଲୋକରେ ସାରା ବିଶ୍ବ ଜଣାଉଛି ଶ୍ରଦ୍ଧାଞ୍ଜଳି । ଆଜି ଭାରତରେ ରାଷ୍ଟ୍ରୀୟ ଶୋକ ପାଳନ କରାଯାଉଛି  । ମହାରାଣୀଙ୍କ ବିୟୋଗରେ ଦିନିକିଆ ଶୋକ ପାଳନ କରୁଛି ଭାରତ  । ଆଜି ଜାତୀୟ ପତାକାକୁ ଅର୍ଦ୍ଧନମିତ କରାଯାଇଛି । ଏହାସହ କୌଣସି ସାଂସ୍କୃତିକ କାର୍ଯ୍ୟକ୍ରମ କରାଯିବ ନାହିଁ ।

ଏଲିଜାବେଥଙ୍କ ମୃତ୍ୟୁ ପରେ ୧୦ ଦିନ ଧରି ପରମ୍ପରା ଅନୁସାରେ କାର୍ଯ୍ୟକ୍ରମ ଚାଲୁଛି  । ଅପରେସନ ୟୁନିକର୍ଣ୍ଣ ଅନୁସାରେ ତାଙ୍କ କଫିନକୁ ସୋମବାର ରୟାଲ ଟ୍ରେନରେ ସ୍କଟଲ୍ୟାଣ୍ଡରୁ ଲଣ୍ଡନକୁ ଅଣାଯିବ । ଆସନ୍ତା 19 ତାରିଖରେ ରାଣୀଙ୍କ ଶେଷକୃତ୍ୟ କରାଯିବ  ।

ରାଣୀ ଏଲିଜାବେଥ ଦ୍ୱିତୀୟଙ୍କ ପରଲୋକ ପରେ ପରବର୍ତ୍ତୀ ୧୦ ଦିନ ବ୍ରିଟେନ ପରମ୍ପରା ଅନୁସାରେ ଅପରେସନ ଲଣ୍ଡନ ବ୍ରିଜ ପ୍ରୋଟକଲ ଅନୁସାରେ ଚାଲିବ କାର୍ଯ୍ୟକ୍ରମ । ପରେ ଅନୁଷ୍ଠିତ ହେବ ଅପରେସନ ସ୍ପ୍ରିଂ ଟାଇଡ । ମହାରାଣୀଙ୍କ ମୃତ୍ୟୁ ନେଇ ପ୍ରଧାନମନ୍ତ୍ରୀ ପ୍ରଥମ ସଦସ୍ୟ ଭାବେ ବିବୃତି ପ୍ରଦାନ କରିବେ । ପରେ ଦେଶ ଉଦ୍ଦେଶ୍ୟରେ ଏହି ଘୋଷଣା କରିବେ ପ୍ରିନସ ଚାର୍ଲସ।

ଏହି ଘୋଷଣା ପରେ ରୟାଲ ଫାମିଲି ୱେବସାଇଟ କଳା ରଙ୍ଗରେ ପରିବର୍ତ୍ତିତ ହେବ। ସେହିପରି ବ୍ରିଟେନ ସରକାରଙ୍କ ୱେବସାଇଟରେ କଳା ବ୍ୟାନର ପ୍ରଦର୍ଶିତ ହେବ। ମୃତ୍ୟର ଦଶ ଦିନ ପରେ ତାଙ୍କର ଶେଷକୃତ୍ୟ ସମ୍ପନ୍ନ ହେବ। ଦୈନିକ ୨୩ ଘଣ୍ଟା ହିସାବରେ ସେଠାରେ ଲୋକେ ରାଣୀଙ୍କୁ ଶେଷଦର୍ଶନ କରିବେ । ଏଥିଲାଗି ଭିଆଇପିମାନଙ୍କୁ ଟିକେଟ ପ୍ରଦାନ କରାଯାଇଛି ।