ଦିଲ୍ଲୀ ମୁଖ୍ଯମନ୍ତ୍ରୀ ଅରବିନ୍ଦ କେଜରିୱାଲଙ୍କ ଗିରଫଦାରୀର ପ୍ରତିବାଦ। ଦିଲ୍ଲୀ ଯନ୍ତରମନ୍ତରରେ ଇଣ୍ଡିଆ ମେଣ୍ଟର ଗର୍ଜନ। ଦିଲ୍ଲୀ ମଦନୀତି ମାମଲାରେ ଅରବିନ୍ଦ କେଜରିୱାଲଙ୍କୁ ଫସାଇ ଦିଆଯାଇଛି ଏବଂ ତାଙ୍କୁ ମିଥ୍ଯା ଆରୋପ ନେଇ ଗିରଫ କରାଯାଇଛି ବୋଲି କହିଛନ୍ତି ଇଣ୍ଡିଆମେଣ୍ଟ ନେତା। ତିହାର ଜେଲରେ ଥିବା କେଜରିୱାଲଙ୍କ ସ୍ବାସ୍ଥ୍ଯ ବିଗିଡିଥିବାବେଳେ ତାଙ୍କ ସ୍ବାସ୍ଥ୍ଯ ପ୍ରତି ଗୁରୁତ୍ବ ଦିଆଯାଉନଥିବା ଅଭିଯୋଗ କରିଛନ୍ତି ଆପ୍ ନେତା ସନ୍ଦୀପ ପାଠକ। ଏହି ପ୍ରତିବାଦ ସଭାରେ ସିପିଆଇ ନେତା ଡି. ରାଜା, କଂଗ୍ରେସ ନେତା ପ୍ରମୋଦ ତିୱାରୀ ଓ ଗୌରବ ଗୋଗଇ, ଏନସିପି ନେତା ଶରଦ ପାୱାର ସମେତ ଜେଏମଏମ, ସିପିଆଇ ଏମଏଲ, ସମାଜବାଦୀ ପାର୍ଟି, ଶିବସେନା ଉଦ୍ଧବ ଗୋଷ୍ଠୀ, ତୃଣମୂଳ କଂଗ୍ରେସ ଓ ଅନ୍ଯାନ୍ଯ ଦଳର ନେତାମାନେ ସାମିଲ ହୋଇଥିଲେ।
