ଇଷ୍ଟର୍ଣ୍ଣ ଲଦାଖର ୨୬ଟି ପେଟ୍ରୋଲିଂ ପଏଣ୍ଟରେ ନାହିଁ ଭାରତୀୟ ସେନାର ଅବସ୍ଥିତି

ନୂଆଦିଲ୍ଲୀ: ଇଷ୍ଟର୍ଣ୍ଣ ଲଦାଖରେ ଅସ୍ତିତ୍ବ ହରାଉଛି ଭାରତ । ୨୬ଟି ପାଟ୍ରୋଲିଂ ପଏଣ୍ଟରେ ନାହିଁ ସେନାର ଅବସ୍ଥିତି । ୬୫ ପ୍ଲାସପଏଣ୍ଟରୁ ୨୫ଟିରେ ଭାରତ ନିୟନ୍ତ୍ରଣ ହରାଇଛି ବୋଲି ଲଦାଖର ଜଣେ ବରିଷ୍ଠ ପୋଲିସ ଅଧିକାରୀ କହିଛନ୍ତି । ଚୀନ ସହ ସୀମା ବିବାଦକୁ ନେଇ ତିକ୍ତତା ଲାଗି ରହିଥିବା ବେଳେ ସୀମା ସୁରକ୍ଷାକୁ ନେଇ ସାମ୍ନାକୁ ଆସିଛି ସାଂଘାତିକ ତଥ୍ୟ । କାରାକୋରମ ପାସଠାରୁ ଚୁମୁର ମଧ୍ୟରେ ୬୫ଟି ଫ୍ଲାସ ପଏଣ୍ଟ ରହିଛି ।

୩୫ଶହ କିମି ସୀମାଞ୍ଚଳରେ ଭାରତୀୟ ସିକ୍ୟୁରିଟି ଫୋର୍ସ ପକ୍ଷରୁ ପାଟ୍ରୋଲିଂ କରାଯାଇଥାଏ । ମାତ୍ର କିଛି ଦିନ ଧରି ପ୍ରହରା ଦିଆଯାଉ ନଥିବାରୁ ୨୫ଟି ଫ୍ଲାସପଏଣ୍ଟ ଉପରୁ ଭାରତ ନିୟନ୍ତ୍ରଣ ହରାଇଛି ବୋଲି ଲେହ ଲଦାଖ ଏସପି ପିଡି ନିତ୍ୟ କହିଛନ୍ତି । ଭାରତ ହାତରୁ ନିୟନ୍ତ୍ରଣ ଖସୁଥିବାରୁ ଚୀନ ସେନା ଏହାର ଲାଭ ଉଠାଇ ଇଞ୍ଚ ପରେ ଇଞ୍ଚ ଅକ୍ତିଆର କରୁଛି । ଗତ ସପ୍ତାହରେ ଦିଲ୍ଲୀରେ ଆନୁଷ୍ଠିତ ବାର୍ଷିକ ସମ୍ମିଳନୀରେ ଏ ନେଇ ରିପୋର୍ଟ ଦିଆଯାଇଛି । ସମ୍ମିଳନୀରେ NSA ଅଜିତ ଡୋଭାଲଙ୍କ ସମେତ ଗୃହମନ୍ତ୍ରୀ ଅମିତ ଶାହା ମଧ୍ୟ ଉପସ୍ଥିତ ଥିଲେ ।