ଭୁବନେଶ୍ୱର: ବିଶ୍ୱକପ ଆଶା ଭାରତର ଧୂଳିସାତ। ସେମିଫାଇନଲରେ ଜର୍ମାନୀ ଠାରୁ 4-2 ଗୋଲରେ ହାରି ଟ୍ରଫିଠୁ ଦୂରେଇଲା ଡିଫେଣ୍ଡିଂ ଚାମ୍ପିୟନ୍ ଭାରତ । ଆରମ୍ଭରୁ ହିଁ ଜର୍ମାନୀ ଖେଳାଳି ଆଟକିଙ୍ଗ ଗେମ ଖେଳିବା ସହ ଭାରତୀୟ ଗୋଲ ପୋଷ୍ଟ ଉପରେ ବାରମ୍ବାର ଆକ୍ରମଣ କରିଥିଲେ। ଭାରତୀୟ ଖେଳାଳି ମଧ୍ୟ ଆଜି ଅତ୍ୟନ୍ତ ନୈରାଶ୍ୟ ଜନକ ପ୍ରଦର୍ଶନ କରିଥିଲେ ।
ଭାରତ ପକ୍ଷରୁ ଉତ୍ତମ ସିଂହ ମ୍ୟାଚର 25 ମିନିଟରେ ଏବଂ ମ୍ୟାଚର ଶେଷ ମିନିଟରେ ବବି ସିଂହ ଗୋଲ କରିପାରିଥିଲେ। ଭାରତୀୟ ଦଳ ପରାଜୟ ସହ ତୃତୀୟ ସ୍ଥାନ ପାଇଁ ଫ୍ରାନ୍ସ ବିପକ୍ଷରେ ଆସନ୍ତା ରବିବାର ପଡିଆକୁ ଓହ୍ଲାଇବ। ସେହିପରି ଦ୍ୱିତୀୟ ଦଳ ଭାବେ ଜର୍ମାନୀ ଫାଇନାଲ୍ ଟିକେଟ ହାତେଇଛି । ଆସନ୍ତା ରବିବାର ସନ୍ଧ୍ୟା 7.30 ରେ ଜୁନିୟର ହକି ବିଶ୍ୱକପର ଗ୍ରାଣ୍ଡ ଫାଇନାଲ୍ ଜର୍ମାନୀ ଓ ଆର୍ଜେଣ୍ଟିନା ମଧ୍ୟରେ ମ୍ୟାଚ ଖେଳାଯିବ।
