ନୂଆଦିଲ୍ଲୀ: ଦେଶରେ ବେକାବୁ କରୋନା । ବିଶ୍ୱ କରୋନା ସଂକ୍ରମଣ ତାଲିକାରେ ଦ୍ୱିତୀୟ ସ୍ଥାନରେ ରହିଛି ଭାରତ । ବଢୁଥିବା ସଂକ୍ରମଣକୁ ଆଖିରେ ରଖି ଋଷର କରୋନା ଭ୍ୟାକସିନ୍ର ଯୋଗାଣ ଓ ଉତ୍ପାଦନ ନେଇ ଭାରତ ଓ ଋଷ ମଧ୍ୟରେ ବିଭିନ୍ନ ସ୍ତରରେ ଆଲୋଚନା ଚାଲିଛି । ଭାରତରେ ଅବସ୍ଥାପିତ ଋଷ ରାଷ୍ଟ୍ରଦୂତ ନିକୋଲେୟ କୁଶାଦେବ ଏହି ସୂଚନା ଦେଇଛନ୍ତି । ଅଗଷ୍ଟ ୧୧ରେ ଋଷ ରାଷ୍ଟ୍ରପତି ଭ୍ଲାଦିମିର ପୁଟିନ୍ ବିଶ୍ୱର ପ୍ରଥମ କରୋନା ଭ୍ୟାକସିନ୍ ଲଞ୍ଚ କରିଥିଲେ ।
ଲେସେଣ୍ଟ ଜର୍ଣ୍ଣାଲ ଅନୁସାରେ ପ୍ରାରମ୍ଭିକ ଟ୍ରାଏଲରେ ଏହାର କୌଣସି ଗମ୍ଭୀର ପାର୍ଶ୍ୱ ପ୍ରତିକ୍ରିୟା ନଥିବା ଜଣାପଡିଛି । ବୈଦେଶିକ ବ୍ୟାପାର ମନ୍ତ୍ରୀ ଏସ. ଜୟଶଙ୍କର ଋଷ ଗସ୍ତ ବେଳେ ଟିକା ନେଇ ଆଲୋଚନା କରିବେ ବୋଲି ଜଣାପଡିଛି । ଋଷ ନିଜ ଦେଶର ନାଗରିକଙ୍କୁ ଚଳିତ ସପ୍ତାହଠାରୁ ସ୍ପୁଟନିକ-ଭି ଉପଲବ୍ଧ କରିବାକୁ ଯାଉଛି ।
ଋଷର ନ୍ୟୁଜ୍ ଏଜେନ୍ସି TASS ରୁଷିଆ ଏକାଡେମୀ ଅଫ୍ ସାଇନ୍ସରେ ଡେପୁଟି ନିର୍ଦ୍ଦେଶକ ଡେନିସ୍ ଲୋଗୁନୋଭ କହିଛନ୍ତି ଯେ, ‘ଋଷର ସ୍ୱାସ୍ଥ୍ୟ ମନ୍ତ୍ରଣାଳୟର ଅନୁମତି ପରେ ସ୍ପୁଟନିକ୍- ଭି ଟିକା ବ୍ୟାପକ ବ୍ୟବହାର ପାଇଁ ମୁକ୍ତ କରାଯିବ । ସ୍ୱାସ୍ଥ୍ୟ ମନ୍ତ୍ରଣାଳୟ ଏହି ଟିକା ପରୀକ୍ଷା ଆରମ୍ଭ କରିବାକୁ ଯାଉଛି ଏବଂ ଆମେ ଶୀଘ୍ର ଏହାର ଅନୁମତି ପାଇବୁ।’
ରିପୋର୍ଟ ଅନୁଯାୟୀ, ସାଧାରଣ ଲୋକଙ୍କୁ ଟିକା ଯୋଗାଇବା ପାଇଁ ଏକ ନିର୍ଦ୍ଦିଷ୍ଟ ପ୍ରକ୍ରିୟା ଅଛି ବୋଲି ସେ କହିଛନ୍ତି। ନାଗରିକ ବ୍ୟବହାର ପାଇଁ ବ୍ୟାଚ୍ ଟିକା ୧୦ ରୁ ୧୩ ସେପ୍ଟେମ୍ବର ପର୍ଯ୍ୟନ୍ତ ମିଳିବ । ଏହା ପରେ ଜନସାଧାରଣଙ୍କ ନିକଟରେ ଏହି ଟିକା ପ୍ରୟୋଗ ଆରମ୍ଭ ହେବ।
ସୂଚନା ଅନୁଯାୟୀ, ଏହି ଟିକା ଆଡେନୋଭାଇରସ୍ ପାଇଁ ଆଧାର ଭାବରେ ଋଷର ପ୍ରତିରକ୍ଷା ମନ୍ତ୍ରଣାଳୟର ସହଯୋଗରେ ମସ୍କୋର ଗାମାଲା ରିସର୍ଚ୍ଚ ଇନଷ୍ଟିଚ୍ୟୁଟ୍ ଦ୍ୱାରା ପ୍ରସ୍ତୁତ ହୋଇଛି । ଏହି ଟୀକାକରଣର ଦୁଇଟି ପରୀକ୍ଷା ଚଳିତ ବର୍ଷ ଜୁନ୍-ଜୁଲାଇରେ କରାଯାଇଥିଲା ଏବଂ ଏଥିରେ ୭୬ ଜଣ ଅଂଶଗ୍ରହଣ କରିଥିଲେ। ଏହାର ଫଳାଫଳରେ ୧୦୦ ପ୍ରତିଶତ ଆଣ୍ଟିବଡି ବିକଶିତ କରାଯାଇଥିଲା ।
