ଦକ୍ଷିଣ ଆଫ୍ରିକାରେ ମସ୍ତି କରୁଛି ଟିମ୍ ଇଣ୍ଡିଆ; ସୋସିଆଲ ମିଡିଆରେ ଭିଡିଓ ସେୟାର କଲା ବିସିସିଆଇ

1 min read

କେପଟାଉନ: ଆସନ୍ତା ଡିସେମ୍ବର ୨୬ରୁ ଆରମ୍ଭ ହେବାକୁ ଯାଉଛି ଭାରତ-ଦକ୍ଷିଣ ଆଫ୍ରିକା ଟେଷ୍ଟ ସିରିଜ୍ । ଦକ୍ଷିଣ ଆଫ୍ରିକା ବିପକ୍ଷରେ ଟେଷ୍ଟ ସିରିଜ୍ ପାଇଁ ଭାରତୀୟ କ୍ରିକେଟ ଦଳ ଦକ୍ଷିଣ ଆଫ୍ରିକାରେ ପହଞ୍ଚି ସାରିଛି । ଦକ୍ଷିଣ ଆଫ୍ରିକାରେ ପହଞ୍ଚିବା ପରେ ସମସ୍ତ ଖେଳାଳି ଜୋହାନର୍ସବର୍ଗରେ ଫୁଟଭଲି ଖେଳୁଥିବାର ନଜର ଆସିଥିଲେ ।

ବିସିସିଆଇ ଟିମ୍ ଇଣ୍ଡିଆର ଏହି ପ୍ରାକ୍ଟିସ୍ ସେସନର ଭିଡିଓ ସୋସିଆଲ ମିଡିଆରେ ସେୟାର କରିଥିଲା । ଯେଉଁଥିରେ ଅଧିନାୟକ ବିରାଟ କୋହଲି ଏବଂ କୋଚ ରାହୁଲ ଦ୍ରାବିଡଙ୍କ ମଧ୍ୟରେ ବହୁତ ଭଲ ସମ୍ପର୍କ ଥିବା ଦେଖିବାକୁ ମିଳିଥିଲା । ଏହି ଭିଡିଓରେ ଋଷଭ ପନ୍ତ, ରବିଚନ୍ଦ୍ରନ ଅଶ୍ୱିନୀଙ୍କ ସହ ଅନ୍ୟ ଖେଳାଳି ମସ୍ତି କରୁଥିବାର ନଜର ଆସିଥିଲେ । ଏହି ସମୟରେ କୋଚ ରାହୁଲ ଦ୍ରାବିଡ ଦଳ ସହ ଫୁଟବଲ ଖେଳିବା ଆରମ୍ଭ କରିଦେଇଥିଲେ । ଏହି ସମୟରେ ଦ୍ରାବିଡ ଓ କୋହଲି ମସ୍ତି କରୁଥିବାର ଦେଖିବାକୁ ମିଳିଥିଲା ।

ସୂଚନା ଅନୁସାରେ ଟିମ୍ ଇଣ୍ଡିଆ ୨୬ ଡିସେମ୍ବରରେ ଦକ୍ଷିଣ ଆଫ୍ରିକା ବିପକ୍ଷରେ ପ୍ରଥମ ମ୍ୟାଚ ଖେଳିବ । ଭାରତ ଦକ୍ଷିଣ ଆଫ୍ରିକାରେ ତିନୋଟି ଟେଷ୍ଟ ଓ ତିନୋଟି ଦିନିକିଆ ମ୍ୟାଚ ଖେଳିବ । ଦକ୍ଷିଣ ଆଫ୍ରିକା ଗସ୍ତ ପୂର୍ବରୁ ଭାରତୀୟ ଦଳରେ ବହୁ ବିବାଦ ଦେଖିବାକୁ ମିଳିଥିଲା । ଖାସ୍ କରି ଅଧିନାୟକ ପଦକୁ ନେଇ ବିବାଦ ଦେଖିବାକୁ ମିଳିଥିଲା ।  ତେବେ ଦକ୍ଷିଣ ଆଫ୍ରିକା ପହଞ୍ଚିବା ପରେ ଏହି ସବୁ ବିବାଦ ଭୁଲି ଟିମ୍ ଇଣ୍ଡିଆ ମସ୍ତି କରୁଥିବାର ନଜର ଆସିଥିଲା ।

 

Leave a Reply