କରୋନା ସଂକ୍ରମଣ ପାଇଁ ବିଶ୍ୱରେ ୧୧ ନମ୍ବର ସ୍ଥାନରେ ରହିଛି ଦେଶ, ସଂକ୍ରମିତଙ୍କ ସଂଖ୍ୟା ୧୫ ହଜାର ଟପିଲାଣି
ନୂଆଦିଲ୍ଲୀ: ଦେଶରେ ବଢ଼ିବାରେ ଲାଗିଛି କରୋନା ସଂକ୍ରମଣ । ଗତକାଲି ସାଢେ ୫ହଜାରରୁ ଅଧିକ ପଜିଟିଭ ଚିହ୍ନଟ ହୋଇଛନ୍ତି । ଏଥିସହ ଦେଶରେ ମୋଟ୍ ସଂକ୍ରମିତଙ୍କ ସଂଧ୍ୟା ଲକ୍ଷେ ୧୫ହଜାର ଟପିଛି । ସେହିପରି ଗତ ୨୪ ଘଣ୍ଟା ମଧ୍ୟରେ ୧୩୦ରୁ ଅଧିକଙ୍କ ଜୀବନ ନେଇଛି ଭୂତାଣୁ । ଦେଶରେ କରୋନାରେ ମୃତ୍ୟୁ ସଂଖ୍ୟା ସାଢେ ୩ହଜାର ପାର ହୋଇଛି ।
ମହାରାଷ୍ଟ୍ରରେ ସ୍ଥିତି ସାଂଘାତିକ ରହିଛି । ଗତକାଲି ରାଜ୍ୟରେ ୨୩ ଶହରୁ ଅଧିକ ନୂଆ ପଜିଟିଭ ଚିହ୍ନଟ ହୋଇଛନ୍ତି । ଏଥିସହ ମହାରାଷ୍ଟ୍ରରେ ମୋଟ୍ ସଂକ୍ରମିତଙ୍କ ସଂଖ୍ୟା ୪୧ହଜାର ଟପିଛି । କେବଳ ମୁମ୍ବାଇରେ ଆକ୍ରାନ୍ତ ସଂଖ୍ୟା ୨୫ହଜାର ପାର ରହିଛି । ଗତ ୫ ଦିନ ମଧ୍ୟରେ ମହାରାଷ୍ଟ୍ରରେ ୧୦ହଜାରରୁ ଅଧିକ ନୂଆ ମାମଲା ସାମନାକୁ ଆସିଛି । ସେହିପରି ତାମିଲନାଡୁରେ ସଂଖ୍ୟା ୧୩ ହଜାର ଟପିଥିବା ବେଳେ ଗୁଜରାଟରେ ୧୨ହଜାରରୁ ଅଧିକ ପଜିଟିଭ ଚିହ୍ନଟ ହୋଇଛନ୍ତି । ବିଶ୍ୱର କୋରାନ ସଂକ୍ରମିତ ଦେଶ ତାଲିକାରେ ଭାରତ ୧୧ନମ୍ବର ସ୍ଥାନରେ ରହିଛି।
