ନାଗ୍ରୋଟା ଏନକାଉଣ୍ଟରର ପାକିସ୍ତାନକୁ ଭାରତ ହସ୍ତାନ୍ତର କଲା ପ୍ରମାଣ, ମରିଥିବା ଆତଙ୍କବାଦୀ ଜୈଶ-ଏ-ମହମ୍ମଦର ସଦସ୍ୟ

ନୂଆଦିଲ୍ଲୀ: ନାଗରୋଟାରେ ଆତଙ୍କବାଦୀ ଆକ୍ରମଣ ଷଡଯନ୍ତ୍ରରେ ପାକିସ୍ତାନର ହାତ ଥିବା ଜଣାପଡ଼ିଛି । ଏହା ପରେ ପାକିସ୍ତାନ ପୁଣି ଥରେ ବିଶ୍ୱ ସାମ୍ନାରେ ତାର ଏଭଳି ଦୋଷୁ ଏଡାଇବାକୁ ଚେଷ୍ଟା କରିଛି । ଗୋଟିଏ ପଟେ ଇସଲାମାବାଦ ନିଜର ଭାବମୂର୍ତ୍ତିକୁ ବଞ୍ଚାଇବାକୁ ଚେଷ୍ଟା କରୁଛି, ଅନ୍ୟ ପଟେ ଭାରତ ଆଜି ନାଗରୋଟା ଏନକାଉଣ୍ଟର ସମ୍ବନ୍ଧୀୟ ଦସ୍ତାବିଜକୁ ପାକିସ୍ତାନୀ କୂଟନୀତିଜ୍ଞଙ୍କୁ ହସ୍ତାନ୍ତର କରିଛି ।

ଏହା ସହିତ ପାକିସ୍ତାନୀ କୂଟନୀତିଜ୍ଞଙ୍କୁ ମଧ୍ୟ ଭାରତରୁ କୁହାଯାଇଛି ଯେ, ନାଗରୋଟାରେ ନିହତ ହୋଇଥିବା ସମସ୍ତ ଆତଙ୍କବାଦୀ ଜୈଶ-ଏ-ମହମ୍ମଦ ଆତଙ୍କବାଦୀ ଗୋଷ୍ଠୀର ବୋଲି ।

ନାଗରୋଟାରେ ନିହତ ହୋଇଥିବା ଆତଙ୍କବାଦୀଙ୍କ ନିକଟରୁ ପାକିସ୍ତାନରେ ନିର୍ମିତ Q କମ୍ପାନୀର ମୋବାଇଲ୍ ସେଟ୍, ସ୍ଥାନୀୟ ଜିପିଏସ୍ ଏବଂ ଓୟାରଲେସ ଫୋନ ମିଳିଛି । ଯାହା ଖୋଲାଖୋଲି ଭାବେ ଏହି ଷଡଯନ୍ତ୍ରରେ ପାକିସ୍ତାନର ସମ୍ପୃକ୍ତି ଥିବା ଦର୍ଶାଇଛି । ଏହି ପରିପ୍ରେକ୍ଷୀରେ, ନୂଆଦିଲ୍ଲୀରେ ପାକିସ୍ତାନ କୂଟନୀତିଜ୍ଞଙ୍କୁ ଡାକି ଭାରତ ତାଗିଦ୍ କରିଛି । କିନ୍ତୁ ପାକିସ୍ତାନ ପୁଣି ଥରେ ନିଜର ପୁରୁଣା ଆଚରଣକୁ ବଜାୟ ରଖିଛି ।

ଏହି ପ୍ରମାଣକୁ ପ୍ରତ୍ୟାଖ୍ୟାନ କରିବାବେଳେ ପାକିସ୍ତାନ ଇସଲାମାବାଦରେ ଉପସ୍ଥିତ ଥିବା ଭାରତୀୟ କୂଟନୀତିଜ୍ଞ ଗୌରବ ଅହଲୁୱାଲିଆଙ୍କୁ ଡକାଇଥିଲା । ପୂର୍ବଭଳି ପାକିସ୍ତାନ ଭାରତର ଅଭିଯୋଗକୁ ଅସ୍ୱୀକାର କରି କହିଛି ଯେ ଭାରତ ଭିତ୍ତିହୀନ ଅଭିଯୋଗ କରୁଛି ।

ଶନିବାର ଦିନ ଭାରତ ଏହି ମାମଲାରେ ନୂଆଦିଲ୍ଲୀରେ ଅବସ୍ଥାପିତ ଜଣେ ପାକିସ୍ତାନୀ କୂଟନୀତିଜ୍ଞଙ୍କୁ ଡକାଇ ଭାରତ ପକ୍ଷରୁ ପ୍ରମାଣ ସହ ତାଗିଦ କରିଛି । ଭାରତର ବୈଦେଶିକ ମନ୍ତ୍ରଣାଳୟ ପକ୍ଷରୁ ଜାରି ବିବୃତ୍ତିରେ କୁହାଯାଇଛି ଯେ ନାଗରୋଟାରେ ହତ୍ୟା କରାଯାଇଥିବା ଆତଙ୍କବାଦୀମାନେ ଜୈଶ-ଏ-ମହମ୍ମଦର ସଦସ୍ୟ । ଭାରତ କହିଛି ଯେ ପାକିସ୍ତାନ ଏହି ଆତଙ୍କବାଦୀଙ୍କୁ ଆଶ୍ରୟ ଦେଇଥାଏ ବୋଲି ।

ବୈଦେଶିକ ବ୍ୟାପାର ମନ୍ତ୍ରଣାଳୟର ବିବୃତ୍ତି ଅନୁଯାୟୀ ଆତଙ୍କବାଦୀଙ୍କ ନିକଟରୁ ବିପୁଳ ପରିମାଣର ବିସ୍ଫୋରକ ସାମଗ୍ରୀ ଉଦ୍ଧାର କରିବା ଏକ ବଡ଼ ଆକ୍ରମଣ ଯୋଜନା କରୁଥିବା ଦର୍ଶାଉଛି । ଭାରତ ଖୋଲାଖୋଲି ଭାବେ ପାକିସ୍ତାନକୁ କହିଛି ଯେ ପାକିସ୍ତାନ ଆତଙ୍କବାଦୀ ଏବଂ ଆତଙ୍କବାଦୀ ଗୋଷ୍ଠୀକୁ ସମର୍ଥନ କରିବା ନୀତିରୁ ନିବୃତ୍ତ ହେବା ଉଚିତ ଏବଂ ସେଠାରେ ଥିବା ଶିବିରକୁ ଧ୍ୱଂସ କରିବା ଉଚିତ । ଯେଉଁଠାରେ ଅନ୍ୟ ଦେଶ ଉପରେ ଆକ୍ରମଣ କରିବାର ରଣନୀତି ଯୋଜନା କରାଯାଇଛି ଏବଂ ତାଲିମ ଦିଆଯାଉଛି ।