ଦେଶେ ସଂକ୍ରମଣ କମୁଥିବା ବେଳେ ଚିନ୍ତା ବଢାଇଲା ବିହାର

1 min read
Kerala Changes Covid Funeral Protocol, Allows Bodies To Be Taken Home

ନୂଆଦିଲ୍ଲୀ: ଦେଶରେ ଖସୁଛି କରୋନା ଗ୍ରାଫ୍  । ଲଗାତାର ତୃତୀୟ ଦିନରେ ୧ ଲକ୍ଷ ମଧ୍ୟରେ ରହିଛି ସଂକ୍ରମିତଙ୍କ ସଂଖ୍ୟା । ଗତ ୨୪ ଘଣ୍ଟାରେ ୯୪ହଜାର ୫୨ ସଂକ୍ରମିତ ଚିହ୍ନଟ ହୋଇଥିବା ବେଳେ ୬ହଜାର ୧୪୮ ଆକ୍ରାନ୍ତଙ୍କ ଜୀବନ ନେଇଛି କରୋନା ଭାଇରସ୍  । ୨୪ ଘଣ୍ଟାରେ ସୁସ୍ଥ ହେଲେଣି ଲକ୍ଷେ ୫୧ହଜାର ୩୬୭ କରୋନା ସଂକ୍ରମିତ । ଦେଶରେ ମୋଟ୍ ସଂକ୍ରମିତଙ୍କ ସଂଖ୍ୟା ୨କୋଟି ୯୧ଲକ୍ଷ ୮୩ ହଜାର ୧୨୧ । ମୋଟ୍ ସୁସ୍ଥ ହୋଇଛନ୍ତି ୨କୋଟି ୭୬ଲକ୍ଷ ୫୫ହଜାର ୪୯୩ ସଂକ୍ରମିତ । ଦେଶରେ ମୋଟ୍ କରୋନା ମୃତ୍ୟୁସଂଖ୍ୟା ୩ଲକ୍ଷ ୫୯ହଜାର ୬୭୬ଥିବା ବେଳେ ଆକ୍ଟିଭ କେସ୍ ୧୧ଲକ୍ଷ ୬୭ହଜାର ୯୫୨ ।

ସେହିପରି ଦେଶରେ କରୋନାରୁ ମୃତ୍ୟୁ ହାର ୧.୨୨ ପ୍ରତିଶତ ହୋଇଥିବାବେଳେ ସୁସ୍ଥତା ହାର ୯୪ ପ୍ରତିଶତକୁ ବୃଦ୍ଧି ପାଇଛି । ଦେଶରେ ଆକ୍ଟିଭ୍ କେସ ୫ ପ୍ରତିଶତରୁ କମ୍ ହୋଇଛି। କରୋନା ଆକ୍ଟିଭ କେସରେ ଭାରତ ବିଶ୍ୱରେ ଦ୍ୱିତୀୟ ସ୍ଥାନରେ ରହିଛି। ସଂକ୍ରମିତ ମୋଟ ସଂଖ୍ୟା ଦୃଷ୍ଟିରୁ ଭାରତ ମଧ୍ୟ ଦ୍ୱିତୀୟ ସ୍ଥାନରେ ରହିଛି। ଆମେରିକା, ବ୍ରାଜିଲ ପରେ ବିଶ୍ୱରେ ଭାରତରେ ମୃତ୍ୟୁ ସଂଖ୍ୟା ସର୍ବାଧିକ।

ବିହାରରେ କରୋନା ମୃତ୍ୟୁ ସଂଖ୍ୟା ହଠାତ୍ ବୃଦ୍ଧି

ବୁଧବାର ଦିନ ବିହାରରେ କରୋନା ଆକ୍ରାନ୍ତଙ୍କ ମୃତ୍ୟୁସଂଖ୍ୟାରେ ସ୍ୱାସ୍ଥ୍ୟ ବିଭାଗ ଏକ ବଡ଼ ସୂଚନା ଦେଇଠି । ରାଜ୍ୟରେମୋଟ ମୃତ୍ୟୁ ସଂଖ୍ୟା ୯,୪୨୯କୁ ବୃଦ୍ଧି ପାଇଛି। ଯଦିଓ ମଙ୍ଗଳବାର ଦିନ ମୃତ୍ୟୁ ସଂଖ୍ୟା ୫,୪୫୮ ଥିଲା । ସ୍ୱାସ୍ଥ୍ୟ ବିଭାଗରୁ ମିଳିଥିବା ସୂଚନା ଅନୁଯାୟୀ, ବୁଧବାର ଦିନ ସୁଦ୍ଧା ୫,୪୭୮ ଜଣଙ୍କ ମୃତ୍ୟୁ ହୋଇଥିବା ବେଳେ ହଠାତ ଗୁରୁବାର ମଧ୍ୟରେ ୩,୯୫୧ ଜଣଙ୍କ ମୃତ୍ୟୁ ହୋଇଥଇବା ସୂଚନା ମିଳିଛି । ଯାହା ପରେ ରାଜ୍ୟେରେ ମୋଟ ସଂଖ୍ୟା ୯,୪୨୯କୁ ବୃଦ୍ଧି ପାଇଛି। ମୃତକ ସଂଖ୍ୟାକୁ ନେଇ ବିଭାଗ ପକ୍ଷରୁ ସ୍ପଷ୍ଟ କରାଯାଇ ନାହିଁ ଯେ ଏହି ମୃତ୍ୟୁ କେବେ ହୋଇଛି ।

Opn Commnet Area

Leave a Reply

Your email address will not be published. Required fields are marked *

Close Bitnami banner