ଦେଶରେ ହୁହୁ ହୋଇ ବଢ଼ୁଛି କରୋନା ସଂକ୍ରମଣ, ୧.୦୮ ଲକ୍ଷ କରୋନା ରୋଗୀଙ୍କ ମୃତ୍ୟୁ

ନୂଆଦିଲ୍ଲୀ: ଦଶରେ କରୋନା ସଂକ୍ରମଣ ତୁହାକୁ ତୁହା ବଢ଼ିବାରେ ଲାଗିଛି । ଭାରତରେ ୭୦ ଲକ୍ଷ ପାର ହୋଇଛି କରୋନା ସଂକ୍ରମଣ । ସେଥିମଧ୍ୟରୁ ୧ ଲକ୍ଷ ୮ ହଜାର ୩୩୪ ରୋଗୀଙ୍କର ମୃତ୍ୟୁ ହୋଇଛି । ଏଥି ସହିତ ଦେଶରେ ସୁସ୍ଥ ହେବା ସଂଖ୍ୟା ୬୦ ଲକ୍ଷରୁ ଅଧିକ ହୋଇଛି । ଏଦେ ଦେଶରେ କରୋନ ସକ୍ରିୟ ମାମଲା ସଂଖ୍ୟା ୮ ଲକ୍ଷ ୬୭ ହଜାରକୁ ଖସି ଆସିଛି । ସୁସ୍ଥ ଲୋକଙ୍କ ସଂଖ୍ୟା ସଂକ୍ରମଣର ସକ୍ରିୟ ମାମଲା ଠାରୁ ଛଅ ଗୁଣରୁ ଅଧିକ । ତେବେ ୩ ସପ୍ତାହରୁ ଅଧିକ ହେବ କରୋସା ସଂକ୍ରମଣ ଠାରୁ କରୋନାରେ ସୁସ୍ଥ ସଂଖ୍ୟା ଅଧିକ ଆସିବାରେ ଲାଗିଛି ।

ସ୍ୱାସ୍ଥ୍ୟ ମନ୍ତ୍ରଣାଳୟର ନଗଦ ତଥ୍ୟ ଅନୁଯାୟୀ, ଗତ ୨୪ ଘଣ୍ଟା ମଧ୍ୟରେ ୭୪,୩୮୩ ନୂଆ କରୋନା ମାମଲା ପଞ୍ଜିକୃତ ହୋଇଛି । ତେବେ ୮୯,୧୫୪ ରୋଗୀ ଆରୋଗ୍ୟ ହୋଇ ଘରକୁ ଫେରିଛନ୍ତି । ତେବେ ୯୧୮ ରୋଗୀ ମଧ୍ୟ ପ୍ରାଣ ହରାଇଛନ୍ତି । ନୂଆ ମାମଲା ମଧ୍ୟରୁ ୬୧ % କେବଳ ଏହି ୫ ଟି ରାଜ୍ୟରେ ରେକର୍ଡ କରାଯାଇଛି । ମୋଟ ସକ୍ରିୟ ମାମଲାର ୫୪.୦୩% ମଧ୍ୟ ଏହି ୫ ଟି ରାଜ୍ୟରେ ରେକର୍ଡ କରାଯାଇଛି ।

ଆଇସିଏମଆର ଅନୁଯାୟୀ, ଅକ୍ଟୋବର ୧୦ ପର୍ଯ୍ୟନ୍ତ ମୋଟ  ୮ କୋଟି ୬୮ ଲକ୍ଷ ନମୁନା ପରୀକ୍ଷା କରାଯାଇଛି । ସେଥିମଧ୍ୟରୁ ଗତକାଲି ୧୧ ଲକ୍ଷ ନମୁନା ପରୀକ୍ଷା କରାଯାଇଥିଲା । ପରୀକ୍ଷା ପରେ ଜଣାପଡ଼ିଥିଲା କରୋନା ପଜିଟିଭ ସଂଖ୍ୟା ମାତ୍ର ୭ % ରହିଥିଲା ।

ତେବେ ମହାରାଷ୍ଟ୍ରରେ ସବୁଠାରୁ ଅଧିକ ସକ୍ରିୟ ମାମଲା ରହିଛି । ମହାରାଷ୍ଟ୍ର ପରେ ଆନ୍ଧ୍ରପ୍ରଦେଶ, ତାମିଲନାଡୁ, କର୍ଣ୍ଣାଟକ ଏବଂ ଉତ୍ତରପ୍ରଦେଶରେ ସର୍ବାଧିକ ସକ୍ରିୟ ମାମଲା ରହିଛି । ସକ୍ରିୟ କ୍ଷେତ୍ରରେ ଭାରତ ବିଶ୍ୱରେ ଦ୍ୱିତୀୟ ସ୍ଥାନରେ ରହିଛି । କରୋନା ସଂକ୍ରମଣ ସଂଖ୍ୟା ଅନୁସାରେ ଭାରତ ବିଶ୍ୱର ଦ୍ୱିତୀୟ ସର୍ବାଧିକ ପ୍ରଭାବିତ ଦେଶ । ସେହିଭଳି ମୃତ୍ୟୁ ରେ ଦେଖିବା ତେବେ ଆମେରିକା ଏବଂ ବ୍ରାଜିଲରେ ପରେ ଭାରତ ସଂଖ୍ୟାରେ ରହିଛି । ସବୁଠାରୁ ବଡ଼ କଥା ହେଉଛି ମୃତ୍ୟୁହାରରେ ଏବଂ ସକ୍ରିୟ ମାମଲା କ୍ରମାଗତ ହ୍ରାସ ରେକର୍ଡ କରାଯାଉଛି ।