ଦେଶରେ ତଳମୁହାଁ କରୋନା: ଦିନକରେ ୩୮,୩୧୦ ସଂକ୍ରମିତ ଓ ୪୯୦ ମୃତ

ନୂଆଦିଲ୍ଲୀ: ଦେଶରେ ଖସୁଛି କରୋନା ଗ୍ରାଫ୍ । ଦିନକରେ ୩୮ହଜାର ୩୧୦ କରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଲେ ୪୯୦ଜଣଙ୍କ ମୃତ୍ୟୁ ହୋଇଛି । ଦେଶରେ ମୋଟ୍ କରୋନା ଆକ୍ରାନ୍ତଙ୍କ ସଂଖ୍ୟା ୮୧ଲକ୍ଷ ୩୭ହଜାର ୧୧୯ ଥିବା ବେଳେ ମୃତ୍ୟୁସଂଖ୍ୟା ଲକ୍ଷେ ୨୩ହଜାର ୦୯୭କୁ ବୃଦ୍ଧି ହୋଇଛି । ଦେଶରେ କରୋନା ଆକ୍ଟିଭ କେସ୍ ୫ଲକ୍ଷ ୪୧ହଜାର ୪୦୫ଥିବା ବେଳେ ସୁସ୍ଥ ହୋଇଛନ୍ତି  । ସେହିଭଳି ଦେଶରେ ମୋଟ ସଂକ୍ରମିତଙ୍କ ସଂଖ୍ୟା ୮୩ଲକ୍ଷ ପାଖରେ ପହଞ୍ଚିଛି ।

ଦେଶରେ ମୋଟ ସଂକ୍ରମିତଙ୍କ ସଂଖ୍ୟା ୮୨ ଲକ୍ଷ ୬୭ ହଜାର ୬୨୩କୁ ବୃଦ୍ଧି ପାଇଛି ।  ଗତକାଲି ତୁଳନାରେ ନୂଆ ମାମଲାରେ ୧୫% ହ୍ରାସ ହୋଇଛି । ଦେଶରେ ମୋଟ କରୋନା ରୋଗୀଙ୍କ ସଂଖ୍ୟା ପାଖାପାଖି ୮୩ ଲକ୍ଷରେ ପହଞ୍ଚିଛି । ଏହାସହ ସଂକ୍ରମିତଙ୍କ ହାର ୩.୬୬% ରେ ପହଞ୍ଚିଥିବାବେଳେ ସୁସ୍ଥତା ହାର ୯୧.୮୬% କୁ ବୃଦ୍ଧି ପାଇଛି । ଆଇସିଏମଆର ଅନୁଯାୟୀ, ନଭେମ୍ବର ୨ରେ ମୋଟ ୧୦,୪୬,୨୪୭ଟି ପରୀକ୍ଷା କରାଯାଇଥିଲା।

ଅନ୍ୟପଟେ କୋରନାରେ ଅଧିକ ସଂକ୍ରମିତ ହୋଇଥିବା ରାଜ୍ୟ ମହାରାଷ୍ଟ୍ରରେ କରେନା ପୁଣି ଥରେ ଫେରି ନପରେ ବୋଲି ସୂଚନା ଦେଇଛନ୍ତି ରାଜ୍ୟ ସ୍ୱାସ୍ଥ୍ୟ ମନ୍ତ୍ରଣାଳୟ । ଯଦିଓ ଦିଲ୍ଲୀରେ କରୋନା ସଂକ୍ରମଣର ଦ୍ୱିତୀୟ ପର୍ଯ୍ୟାୟ ଦେଖିବାକୁ ମିଳିଛି । ଏବଂ ସେଠାରେ ଚିକିତ୍ସା ପାଇଁ ଭେଣ୍ଟିଲେଟର ଆବଶ୍ୟକତା ପଡ଼ୁଥିଲେ ବି ଭେଣ୍ଟିଲେଟର ଥିବା ହସ୍ପିଟାଲର ଅଭାବ ଦେଖିବାକୁ ମିଳିଛି ।

ଦିଲ୍ଲୀ ସରକାରଙ୍କ ଆବେଦନ ଅନୁଯାୟୀ, ସହରରେ ପ୍ରାୟ ୬୮ ପ୍ରତିଶତ ଭେଣ୍ଟିଲେଟର ଆଇସିୟୁ ଶଯ୍ୟା ପୂର୍ଣ୍ଣ ହୋଇଥିବାବେଳେ ଭେଣ୍ଟିଲେଟର ବିନା ଆଇସିୟୁ ଶଯ୍ୟା ମଧ୍ୟରୁ ୬୯ ପ୍ରତିଶତ ପୂର୍ଣ୍ଣ ହୋଇଛି । ଯଦିଓ, ଏହା ମଧ୍ୟରେ ଆଶ୍ୱସ୍ଥିକର ଖବର ହେଉଛି ଯେ, କୋଭିଡ -୧୯ ଶଯ୍ୟା ମଧ୍ୟରୁ କେବଳ ୪୨ ପ୍ରତିଶତ ବ୍ୟବହାର ହେଉଛି ।