ଦେଶରେ କରୋନା ସଂକ୍ରମିତଙ୍କ ସଂଖ୍ୟା ୩୧ ଲକ୍ଷ ପାର, କମୁଛି କରୋନା ମୃତ୍ୟୁ ହାର

ନୂଆଦିଲ୍ଲୀ: ବିଶ୍ୱରେ କରୋନାର ସଂକ୍ରମଣ କ୍ରମାଗତ ଭାବେ ବୃଦ୍ଧି ପାଇବାରେ ଲାଗିଛି । କରୋନା ସଂକ୍ରମଣ ବଢ଼ିବା କାରଣରୁ କରୋନା ରୋଗୀଙ୍କ ସଂଖ୍ୟା ୨.୩୪ କୋଟି ଅତିକ୍ରମ କରିଛି । ଏଥିସହ ମୃତ୍ୟୁ ସଂଖ୍ୟା ୮.୧୦ ଲକ୍ଷରୁ ଅଧିକ ହୋଇଛି । ଆମେରିକାରେ କରୋନା ରୋଗୀଙ୍କ ସଂଖ୍ୟା ୫୮.୫୨ ଲକ୍ଷରେ ପହଞ୍ଚିଛି । ବ୍ରାଜିଲରେ କରୋନା ରୋଗୀଙ୍କ ସଂଖ୍ୟା ପାଖାପାଖି ୩୬ ଲକ୍ଷରେ ପହଞ୍ଚିଛି ।

ସେପଟେ କରୋନା ସଂଖ୍ୟା ବୃଦ୍ଧିରେ ଭାରତ ତୃତୀୟ ସ୍ଥାନରେ ରହିଛି । ଭାରତରେ କରୋନା ମାମଲା ସଂଖ୍ୟା ୩୧ ଲକ୍ଷ ଅତିକ୍ରମ କରିଛି । ସବୁଠାରୁ ବଡ଼ କଥା ହେଉଛି ଭାରତରେ ୫୭.୦୬ ହଜାରରୁ ଅଧିକ ରୋଗୀଙ୍କ ମୃତ୍ୟୁ ଘଟିଛି । ଭାରତରେ ୨୩.୦୩ ଲକ୍ଷ ରୋଗୀ କରୋନା ମହାମାରୀରୁ ସୁସ୍ଥ ହୋଇ ଘରକୁ ଫେରିଛନ୍ତି । ଏଥି ସହିତ ଯଦ ଦେଖିବା ସକ୍ରିୟ ମାମଲା ୭ ଲକ୍ଷ ଅତିକ୍ରମ କରିଛି । ସଂକ୍ରମଣର ସକ୍ରିୟ ମାମଲା ତୁଳନାରେ ସୁସ୍ଥ ଲୋକଙ୍କ ସଂଖ୍ୟା ପ୍ରାୟ ତିନି ଗୁଣ ଅଧିକ |

ତେବେ ଦେଶରେ ମୃତ୍ୟୁହାରରେ କ୍ରମାଗତ ହ୍ରାସ ଏବଂ ସକ୍ରିୟ ମାମଲା ହାର ରେକର୍ଡ କରାଯାଉଛି । ମୃତ୍ୟୁ ହାର ୧.୮୫% କୁ ଖସି ଆସିଛି । ଏହା ବ୍ୟତୀତ ଚିକିତ୍ସିତ ହେଉଥିବା ସକ୍ରିୟ ମାମଲା ହାର ମଧ୍ୟ ୨୩% କୁ ଖସି ଆସିଛି । ଏହା ସହିତ ପୁନରୁଦ୍ଧାର ହାର ୭୫% ହୋଇଛି । କରୋନାକୁ ମାତ ଦେଇ ଭାରତରେ ପୁନରୁଦ୍ଧାର ହାର କ୍ରମାଗତ ଭାବେ ବୃଦ୍ଧି ପାଉଛି ।ଆଇସିଏମଆର ଅନୁଯାୟୀ ୨୩ ଅଗଷ୍ଟ ପର୍ଯ୍ୟନ୍ତ କରୋନା ଭୁତାଣୁର ମୋଟ ୩୨.୬ ନିୟୁତ ନମୁନା ପରୀକ୍ଷା କରାଯାଇଛି । ସେଥିମଧ୍ୟରୁ ଗତକାଲି ୯ ଲକ୍ଷ ନମୁନା ପରୀକ୍ଷା କରାଯାଇଥିଲା । ତେବେ ପରୀକ୍ଷା ପରେ ପଜିଟିଭ ସଂଖ୍ୟା ୭ ପ୍ରତିଶତରୁ କମ୍ ଆସିଛି ।

ପରିସଂଖ୍ୟାନ ଅନୁଯାୟୀ, ମହାରାଷ୍ଟ୍ରରେ ଦେଶରେ ସବୁଠାରୁ ଅଧିକ କରୋନା ସକ୍ରିୟ ମାମଲା ରହିଛି । ମହାରାଷ୍ଟ୍ରର ଡାକ୍ତରଖାନାରେ ୧.୫ ଲକ୍ଷରୁ ଅଧିକ ସଂକ୍ରମିତ ଲୋକ ଚିକିତ୍ସିତ ହେଉଛନ୍ତି । ଏହା ପରେ ତାମିଲନାଡୁ ଦ୍ୱିତୀୟ ସ୍ଥାନରେ, ତୃତୀୟ ସ୍ଥାନରେ ଦିଲ୍ଲୀ, ଚତୁର୍ଥ ସ୍ଥାନରେ ଗୁଜୁରାଟ ଏବଂ ପଞ୍ଚମ ସ୍ଥାନରେ ପଶ୍ଚିମବଙ୍ଗ ରହିଛି । ଏହି ପାଞ୍ଚଟି ରାଜ୍ୟରେ ସର୍ବାଧିକ ସକ୍ରିୟ ମାମଲା ରହିଛି । ସକ୍ରିୟ ମାମଲାରେ ଭାରତ ବିଶ୍ୱରେ ତୃତୀୟ ସ୍ଥାନରେ ରହିଛି । କରୋନା ସଂକ୍ରମଣ ସଂଖ୍ୟା ଅନୁଯାୟୀ ଭାରତ ବିଶ୍ୱରେ ତୃତୀୟ ସର୍ବାଧିକ ପ୍ରଭାବିତ ଦେଶ ଅଟେ । ବ୍ରାଜିଲ ପରେ କରୋନା ମହାମାରୀ ଦ୍ୱାରା ଆମେରିକା ସର୍ବାଧିକ ପ୍ରଭାବିତ ହୋଇଛି ।