ଦେଶରେ ୨୪ ଘଣ୍ଟାରେ ୬୧ହଜାର ୨୬୭ କରୋନା ଆକ୍ରାନ୍ତ ଚିହ୍ନଟ

ନୂଆଦିଲ୍ଲୀ: ଦେଶରେ ବେକାବୁ କରୋନା । ୨୪ ଘଣ୍ଟାରେ ୬୧ହଜାର ୨୬୭ କରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ ୮୮୪ଜଣ କରୋନା ଆକ୍ରାନ୍ତଙ୍କ ମୃତ୍ୟୁ ହୋଇଛି । ଦେଶରେ ମୋଟ୍ କରୋନା ପଜିଟିଭ୍ ସଂଖ୍ୟା ୬୬ଲକ୍ଷ ୮୫ହଜାର ୮୩କୁ ବୃଦ୍ଧି ହୋଇଥିବା ବେଳେ ଆକ୍ଟିଭ୍ କେସ୍ ୯ଲକ୍ଷ ୧୯ହଜାର ୨୩ ଓ ସୁସ୍ଥ ହେଲେଣି ୫୬ଲକ୍ଷ ୬୨ହଜାର ୪୯୧ । ଦେଶରେ କରୋନା ମୃତ୍ୟୁସଂଖ୍ୟା ଲକ୍ଷେ ୩ହଜାର ୫୬୯କୁ ବୃଦ୍ଧି ହୋଇଛି ।

ସେହିଭଳି ମହାରାଷ୍ଟ୍ରରେ ସର୍ବାଧିକ ସଂକ୍ରମିତ ଓ ମୃତକଙ୍କ ସଂଖ୍ୟା ରେକର୍ଡ ହୋଇଛି । ମହାରାଷ୍ଟ୍ରରେ ମୋଟ୍ ୧୪ଲକ୍ଷ ୫୩ହଜାର ୬୫୩ଜଣ ସଂକ୍ରମିତ ହୋଇଥିବା ବେଳେ ମୃତ୍ୟୁସଂଖ୍ୟା ୩୮ହଜାର ୩୪୭ରେ ପହଞ୍ଚିଛି । ଏବଂ ଦେଶରେ ଦ୍ୱିତୀୟ ଅଧିକ ସଂକ୍ରମିତ ଆନ୍ଧ୍ରପ୍ରଦେଶରୁ ଚିହ୍ନଟ ହୋଇଛନ୍ତି  । ଆନ୍ଧ୍ରପ୍ରଦେଶରେ ୭ଲକ୍ଷ ୨୩ହଜାର ୫୧୨କରୋନା ଆକ୍ରାନ୍ତ ହୋଇଥିବା ବେଳେ ୬ହଜାର ୧୯ଜଣଙ୍କ ମୃତ୍ୟୁ ହୋଇଛି । ଏହାସହ କର୍ଣ୍ଣାଟକ ଓ ତାମିଲନାଡୁରେ ୬ଲକ୍ଷରୁ ଅଧିକ ଲେଖାଏଁ କରୋନା ପଜିଟିଭ୍ ଚିହ୍ନଟ ହେଲାଛନ୍ତି ।