୨୪ ଘଣ୍ଟାରେ ୨୯ ହଜାର ୩୯୮ ପଜିଟିଭ ଚିହ୍ନଟ…ଗଲା ଆଉ ୪୧୪ ଜୀବନ

ନୂଆଦିଲ୍ଲୀ: ଦେଶରେ ୩୦ ହଜାର ତଳକୁ ଖସିଲା କରୋନା ସଂକ୍ରମଣ  । ୨୪ ଘଣ୍ଟାରେ ଆଉ ୨୯ ହଜାର ୩୯୮ କରୋନା ପଜିଟିଭ ଚିହ୍ନଟ ହୋଇଛନ୍ତି  । ସେହିପରି କରୋନାରେ ଆଉ ୪୧୪ ଜୀବନ ଯାଇଛି  । ଏଥିସହ ଦେଶରେ କରୋନାଜନିତ ମୃତ୍ୟୁସଂଖ୍ୟା ୧ ଲକ୍ଷ ୪୨ ହଜାର ୧୮୬ରେ ପହଞ୍ଚିଛି ।

ନୂଆ ଆକ୍ରାନ୍ତଙ୍କୁ ମିଶାଇ ମୋଟ କରୋନା ସଂକ୍ରମିତଙ୍କ ସଂଖ୍ୟା ୯୭ ଲକ୍ଷ ୯୬ ହଜାର ୭୭୦ରେ ପହଞ୍ଚିଛି  । ସେମଧ୍ୟରୁ ୯୨ ଲକ୍ଷ ୯୦ ହଜାର ୮୩୪ ଆକ୍ରାନ୍ତ ସୁସ୍ଥ ହୋଇଛନ୍ତି ।

ସ୍ୱାସ୍ଥ୍ୟ ମନ୍ତ୍ରାଳୟ ରେକର୍ଡ ଅନୁସାରେ, ସମ୍ପ୍ରତି ଦେଶରେ ସକ୍ରିୟ ଆକ୍ରାନ୍ତଙ୍କ ସଂଖ୍ୟା ହେଉଛି ୩ ଲକ୍ଷ ୬୩ ହଜାର ୭୪୯ ରହିଛି । ଏହାକୁ ମିଶାଇ କ୍ରମାଗତ ଚତୁର୍ଥ ଥର ପାଇଁ ଦେଶରେ ସକ୍ରିୟ ଆକ୍ରାନ୍ତଙ୍କ ସଂଖ୍ୟା ୪ ଲକ୍ଷ ତଳକୁ ରହିଛି। ସମ୍ପ୍ରତି ସକ୍ରିୟ ଆକ୍ରାନ୍ତଙ୍କ ସଂଖ୍ୟା ସମୁଦାୟ ସଂକ୍ରମଣ ସଂଖ୍ୟାର ୩.୮୧%ରେ ରହିଛି।