ତାଇୱାନ ସୀମାରେ ଡ୍ରାଗନର ପଇଁତରା, ଶାନ୍ତି ନିବେଦନ କଲା ଭାରତ

ତାଇପେଇ: ସମରାଭ୍ୟାସ ସ୍ଥଗିତ ସତ୍ତ୍ବେ ତାଇଓ୍ବାନ ସୀମାରେ ଡ୍ରାଗନର ପଇଁତରା । ପ୍ରାୟ ୨୪ଟି ଯୁଦ୍ଧ ବିମାନ ଓ ୬ଟି ଯୁଦ୍ଧ ଜାହାଜ ମୁତୟନ କରିଛି ଚୀନ । ତାଇଓ୍ବାନ ପ୍ରତିରକ୍ଷା ମନ୍ତ୍ରାଳୟ ପକ୍ଷରୁ ଏନେଇ ଉଦବେଗ ପ୍ରକାଶ କରାଯାଇଛି । ତିନି ଦିନ ତଳେ ସମରାଭ୍ୟାସ ସ୍ଥଗିତ ହେଲା ବୋଲି ଚୀନ ଘୋଷଣା କରିଥିଲେ ବି ଓ୍ବାରମୁଡରୁ ହଟିନି ଚୀନ ।

ମୁତୟନ ହୋଇଥିବା ଜାହାଜ ଗୁଡିକ ଚୀନ ନୌସେନାର ହୋଇଥିବା ବେଳେ, କେତେକ ସ୍ଥାନରେ ମିସାଇଲ ସିଷ୍ଟମ ବି ମୁତୟନ ଥିବା ସୂଚନା ମିଳିଛି । ସେପଟେ ପିପୁଲସ ଲିବରେସନ ଆର୍ମିର ଇଷ୍ଟର୍ଣ୍ଣ ଥିଏଟର କମାଣ୍ଡ ପକ୍ଷରୁ କୁହାଯାଇଛି, ତାଇଓ୍ବାନ ଚାରିପାଖେ ହୋଇଥିବା ସାମରିକ ଡ୍ରିଲରେ ନିଜର ସାମରିକ ପାରଦର୍ଶିତା ପ୍ରକାଶ କରାଯାଇଛି ।

ସମରାଭ୍ୟାସ ସରିଥିଲେ ବି ତାଇଓ୍ବାନ ପ୍ରଣାଳୀରେ ପାଟ୍ରୋଲିଂ ଜାରି ରହିବ କହିଛି ଚୀନ ପ୍ରତିରକ୍ଷା ମନ୍ତ୍ରାଳୟ । ସମରାଭ୍ୟାସ ବନ୍ଦ  ସତ୍ତ୍ବେ ହାଇଆଲର୍ଟରେ ରହିଛି ତାଇଓ୍ବାନ ।