India-China Face off: ସମସ୍ୟାର ସମାଧାନ ପାଇଁ ଭାରତ ସମ୍ମୁଖରେ ୩ଟି ବିକଳ୍ପ
1 min read
ନୂଆଦିଲ୍ଲୀ: ଗତ ୯ ସପ୍ତାହ ଧରି ପୂର୍ବ ଲଦାଖର ଲାଇନ୍ ଅଫ୍ ଆକ୍ଟୁଆଲ୍ କଣ୍ଟ୍ରୋଲ୍ (LAC) ରେ ଭାରତ ଏବଂ ଚୀନ୍ ମଧ୍ୟରେ ତିକ୍ତତା ଜାରି ରହିଛି । ଏଯାବତ୍ ୨ ଦେଶ ମଧ୍ୟରେ ହୋଇଥିବା ଆଲୋଚନା ଫଳପ୍ରଦ ହୋଇନାହିଁ । ଦୁଇ ଦେଶର ବୈଦେଶିକ ମନ୍ତ୍ରୀଙ୍କ ମଧ୍ୟରେ ଆଲୋଚନା ସରିଛି ।
ସାମରିକ ଅଧିକାରୀଙ୍କ ମଧ୍ୟରେ ତିନି ରାଉଣ୍ଡ ଆଲୋଚନା ମଧ୍ୟ ହୋଇଛି। ଏହା ବ୍ୟତୀତ କୁଟନୈତିକ ସ୍ତରରେ ମଧ୍ୟ ଏହାର ସମାଧାନ ପାଇଁ ଉଦ୍ୟମ ଚାଲିଛି । ତେବେ ଏପର୍ଯ୍ୟନ୍ତ ଏହି ପ୍ରସଙ୍ଗର କୌଣସି ଠୋସ୍ ଫଳାଫଳ ପ୍ରକାଶ ପାଇନି । ଏଭଳି ପରିସ୍ଥିତିରେ ପ୍ରଶ୍ନ ଉଠିଛି ଯେ, ସୀମାରେ ସ୍ଥିତି ସ୍ୱାଭାବିକ ରଖିବା ପାଇଁ ଭାରତ ନିକଟରେ କ’ଣ ବିକଳ୍ପ ରହିଛି?
ପ୍ରଥମ ବିକଳ୍ପ: LACରେ ଚୀନ ପକ୍ଷରୁ ନିର୍ମାର କରାଯାଇଥିବା ପ୍ରକଳ୍ପକୁ ହଟାଇବା
ଭାରତ ନିକଟରେ ଥିବା ପ୍ରଥମ ବିକଳ୍ପ ହେଉଛି ଗତ ୯ ସପ୍ତାହ ମଧ୍ୟରେ ଚୀନ ପକ୍ଷରୁ LAC ଉପରେ ନିର୍ମାଣ କରାଯାଇଥିବା ସମସ୍ତ ଇନର୍ଫାଷ୍ଟ୍ରକଚରକୁ ହଟାଇବା । ଏଥିପାଇଁ ଭାରତକୁ ସେନାକୁ ବ୍ୟବହାର କରିବାକୁ ପଡ଼ିପାରେ। ଏଭଳି ପରିସ୍ଥିତିରେ ସୀମାରେ ଯୁଦ୍ଧ ପରିସ୍ଥିତି ହୋଇପାରେ।
୧୫ ଜୁନ୍ରେ ଗଲଓ୍ୱାନ ଭ୍ୟାଲିରେ ପ୍ରାୟ ସମାନ ପରିସ୍ଥିତି ସୃଷ୍ଟି ହୋଇଥିଲା | ଭାରତୀୟ ସେନା ଚୀନ୍କୁ ସେଠାରୁ ପଛକୁ ହଟିବାକୁ କହିଥିଲା । କିନ୍ତୁ ଏହାର ସମ୍ଭାବନା ବହୁତ କମ୍ ଥିଲା । ଏଭଳି ହେଲେ ଯୁଦ୍ଧ ପରିସ୍ଥିତି ଉପୁଜିପାରେ ।
ଦ୍ୱିତୀୟ ବିକଳ୍ପ: ଭାରତ ନିକଟରେ ଥିବା ଦ୍ୱିତୀୟ ବିକଳ୍ପଟି ହେଉଛି ଭାରତ ମଧ୍ୟ ଏଲ୍ଏସିର କିଛି ଅଞ୍ଚଳ ଉପରେ କବ୍ଜା କରିବ । ଏଭଳି ସ୍ଥିତିରେ ଯେବେ ୨ ଦେଶ ମଧ୍ୟରେ କଥାବାର୍ତ୍ତା ଚାଲିଛି ସ୍ଥିତି ସ୍ୱାଭାବିକ ହୋଇପାରେ । ୨୦୧୩ ମସିହାରେ ଡେପସାଙ୍ଗ ଅଞ୍ଚଳରେ ଦ୍ୱିତୀୟ ବିକଳ୍ପ ଅନୁଯାୟୀ ମାମଲାର ସମାଧାନ ହୋଇଥିଲା । ଭାରତୀୟ ସେନା ଚୀନର ଚୁମାର ଅଞ୍ଚଳ ଆଡ଼କୁ ଅଗ୍ରସର ହୋଇଥିଲା ସେଠାରେ କିଛି କଷ୍ଟ୍ରକସନ୍ କାମ ଆରମ୍ଭ କରିଦେଇଥିଲା । ପରେ କଥାବାର୍ତ୍ତା ମାଧ୍ୟମରେ ମାମଲାର ସମାଧାନ ହୋଇଥିଲା ।
ତୃତୀୟ ବିକଳ୍ପ: ଅନ୍ୟ ଏକ ବିକଳ୍ପ ହେଉଛି ୨ ଦେଶ ମଧ୍ୟରେ କଥାବାର୍ତ୍ତା ଜାରି ରହୁ । ଏଥିସହିତ ଭାରତୀୟ ସେନା ଅଧିକ ସଜାଗ ରହୁ ଯେଭଳି ଚୀନ ଆଉ ଆଗକୁ ନବଢ଼ୁ । ଅନ୍ୟପକ୍ଷରେ ଚୀନ ଉପରେ ଲଗାତାର ଆର୍ଥିନୀତି ଦୃଷ୍ଟିରୁ ବୟକଟ୍ ଜାରି ରଖୁ ।
