ସେନାମୁକ୍ତ ହେଉଛି ଲଦାଖ ସୀମା; ନିଜ ନିଜ ଅଞ୍ଚଳକୁ ସମ୍ପୂର୍ଣ୍ଣ ରୂପେ ଫେରିଲେ ଭାରତ ଓ ଚୀନ ସେନା
ନୂଆଦିଲ୍ଲୀ: ଲଦାଖରୁ ନିଜ ନିଜ ଅଞ୍ଚଳକୁ ସମ୍ପୂର୍ଣ୍ଣ ରୂପେ ଫେରିଲେ ଭାରତ ଓ ଚୀନ ସେନା। ଗୋଗ୍ରା ହଟସ୍ପ୍ରିଙ୍ଗର ପାଟ୍ରୋଲିଂ ପଏଣ୍ଟ ୧୫ ଏବେ ସମ୍ପୂର୍ଣ୍ଣ ସୁରକ୍ଷିତ ରହିଛି। ଏହାରେ ଏବେ ଫୋକସରେ ପୂର୍ବଲଦାଖ । ସେଠାରେ ମଧ୍ୟ ଉଭୟ ସେନା ମୁତୟନ ଥିବା ବେଳେ ପ୍ରତ୍ୟାହାର ପାଇଁ ପ୍ରୟାସ କରାଯିବ। ଏପଟେ ଡେସପାଙ୍ଗ ଓ ଡେମଚୋକ୍ରୁ ସେନା ପ୍ରତ୍ୟାହାର ପାଇଁ ଆରମ୍ଭ ହୋଇଛି ପ୍ରୟାସ।
କମାଣ୍ଡରସ୍ତରୀୟ ବୈଠକରେ ଉଭୟ ସେନାଙ୍କ ମଧ୍ୟରେ ସହମତି ହୋଇଥିଲା। ଏହାପରେ ତୁରନ୍ତ ପ୍ରତ୍ୟାହାର ପାଇଁ ବ୍ୟବସ୍ଥା ଆରମ୍ଭ ହୋଇଥିଲା। ଏଥିସହ ଭାରତର ସ୍ଥଳସେନା ଅଧ୍ୟକ୍ଷ ମଧ୍ୟ ସ୍ଥିତିର ଅନୁଧ୍ୟାନ ପାଇଁ ଲଦାଖ ଗସ୍ତ କରିଥିଲେ। ସେନାଙ୍କ ସହ ଆଲୋଚନା କରିଥିଲେ। ସେନା ପ୍ରତ୍ୟାହାର ପରେ କିଛି ସ୍ଥିତି ଉପୁଜିଲେ କେମିତି ମୁକାବିଲା କରିବେ ସେନେଇ ପ୍ରସ୍ତୁତ ରହିବାକୁ କହିଥିଲେ।
