ଭାରତ-ଚୀନ୍ ସୀମା ବିବାଦ, ଜୁନ୍ ୬ରେ ବାହାରିପାରେ ସମାଧାନର ବାଟ…
1 min readନୂଆଦିଲ୍ଲୀ: ଭାରତ ଓ ଚୀନ ମଧ୍ୟରେ ସୁଧୁରି ପାରେ ସମ୍ପର୍କ । ଦୁଇ ଦେଶ ମଧ୍ୟରେ ଲାଗି ରହିଥିବା ସୀମା ବିବାଦର ଅନ୍ତ ଘଟିପାରେ । ଦୀର୍ଘ ବର୍ଷ ଧରି ଲାଗି ରହିଥିବା ସୀମା ବିବାଦର ସମାଧନ ହୋଇପାରେ । ଆସନ୍ତା ୬ ତାରିଖରେ ଏହି ସୀମା ବିବାଦକୁ ନେଇ, ଦୁଇ ଦେଶ ମଧ୍ୟରେ ଏକ ଗରୁତ୍ୱ ପୂର୍ଣ୍ଣ ବେଠକ ଅନୁଷ୍ଠିତ ହେବାକୁ ଯାଉଛି ।
ଦୁଇ ଦେଶ ନିଜର ସମ୍ମତି ପ୍ରକାଶ କରିବା ପରେ ଜୁନ୍ ୬ରେ ଏହି ବୈଠକର ଆୟୋଜନ ହୋଇଛି । ଲେଫ୍ଟନାଣ୍ଟ ଜେନେରାଲ ସ୍ତରୀୟ ବୈଠକରେ ସମାଧାନର ବାଟ ଫିଟିବ ବୋଲି ଦୁଇ ଦେଶ ଆଶା ରଖିଥିବା କୁହାଯାଉଛି । ତେବେ ଏହି ବୈଠକରେ ଭାରତର ପ୍ରତିନିଧିତ୍ୱ କରିବାକୁ ଯାଉଛନ୍ତି, ୧୪ କୋର କମାଣ୍ଡର ଲେଫ୍ଟନାଣ୍ଟ ଜେନେରାଲ ହରିନ୍ଦର ସିଂହ । ଏନେଇ ଭାରତୀୟ ପ୍ରତିରକ୍ଷା ବିଭାଗ ପକ୍ଷରୁ ସୂଚନା ଦିଆଯାଇଛି ।
ଲଦାଖର LACରେ ଗତ କିଛି ଦିନ ହେବ ଭାରତ ଓ ଚୀନ ମଧ୍ୟରେ ମୁହାଁମୁହିଁ ପରିସ୍ଥିତି ସୃଷ୍ଟି ହୋଇଛି । ଯାହାକୁ ନେଇ ଉଭୟ ଦେଶ ମଧ୍ୟରେ ବିବାଦ ପୁଣି ଥରେ ଆରମ୍ଭ ହୋଇଛି । ଏହି ସମସ୍ୟାର ସମାଧାନ ପାଇଁ ଆସନ୍ତା ୬ ତାରିଖରେ ଉଭୟ ଦେଶ ମଧ୍ୟରେ ହେବାକୁ ଯାଉଛି ଗୁରୁତ୍ବପୂର୍ଣ୍ଣ ବୈଠକ ।
