India-China Border Dispute  : ସାମରିକ କାର୍ଯ୍ୟାନୁଷ୍ଠାନ ସପକ୍ଷରେ ଚୀନର ୯୦ ପ୍ରତିଶତ ନାଗରିକ

ବେଜିଂ: ଚୀନ- ଭାରତ ସୈନିକ ମଧ୍ୟରେ ଲଦାଖର ଗଲବାନ ଘାଟିରେ ସଂଘର୍ଷ କାରଣରୁ ଦୁଇ ଦେଶ ଏବେ ମୁହାଁମୁହିଁ ହୋଇ ଅଛନ୍ତି । ଏହା ମଧ୍ୟରେ ଚୀନର ସରକାରୀ ଖବରକାଗଜ ଗ୍ଲୋବାଲ ଟାଇମ୍ସ ଦୁଇ ଦେଶର ସମ୍ବନ୍ଧକୁ ନେଇ ଏକ ସର୍ଭେ କରିଥିଲା । ସର୍ଭେରେ ଅଂଶଗ୍ରହଣ କରିଥିବା ଲୋକଙ୍କ ମଧ୍ୟରୁ ୫୧ ପ୍ରତିଶତ ନରେନ୍ଦ୍ର ମୋଦି ସରକାରର ପ୍ରଶଂସା କରିଛନ୍ତି ।ଯାହାର ଅର୍ଥ ହେଉଛି ଚୀନ ନାଗରିକ ନିଜ ଦେଶର ନେତାଙ୍କ କିଛି ନୀତିକୁ ନେଇ ସନ୍ତୁଷ୍ଟ ନାହାନ୍ତି ।

Exclusive: The latest survey on #China– #India relations in China showed that more than 70% of participants see India as being too hostile against China while one fourth of them hold optimistic view on China-India ties in long term. https://t.co/eDsqWDo04z pic.twitter.com/KTbLhLelJ1

— Global Times (@globaltimesnews) August 27, 2020

ଗ୍ଲୋବାଲ ଟାଇମ୍ସର ସର୍ବେକ୍ଷଣରୁ ଜଣାପଡିଛି ଯେ, ୭୦ ପ୍ରତିଶତ ଭାବନ୍ତି ଯେ, ଭାରତରେ ଚୀନ୍ ବିରୋଧୀ ମନୋଭାବ ଅଧିକ । ଅନ୍ୟପକ୍ଷରେ ୩୦ ପ୍ରତିଶତ ଭାବନ୍ତି ଯେ,ଆସୁଥିବା ସମୟରେ ଦୁଇ ଦେଶ ମଧ୍ୟରେ ସଂପର୍କ ସାମାନ୍ୟ ହେବ । ଏହି ସର୍ଭେରେ ଚୀନ୍ ନାଗରିକଙ୍କୁ ନିଜ ପସନ୍ଦର ଦେଶ ବାଛିବାକୁ କୁହାଯାଇଥିଲା । ଋଷ,ଜାପାନ ଓ ପାକିସ୍ତାନ ପରେ ଭାରତ ସେମାନଙ୍କ ପସନ୍ଦର ଦେଶ ବୋଲି ସଂଖ୍ୟାଧିକ କହିଛନ୍ତି । ତେବେ ସର୍ଭେର ଭାଗ ନେଇଥିବା ୯୦ ପ୍ରତିଶତ ଭାରତ ବିରୋଧରେ ସାମରିକ କାର୍ଯ୍ୟାନୁଷ୍ଠାନକୁ ସମର୍ଥନ କରିଛନ୍ତି । ସେହିଭଲି ୫୦ ପ୍ରତିଶତ ଭାବନ୍ତି ଯେ, ଭାରତର ଅର୍ଥବ୍ୟବସ୍ଥା ଚୀନ ଉପରେ ନିର୍ଭରଶୀଳ । ତେଣୁ ଭାରତ ନିକଟରେ ଯେଉଁସବୁ ପଦକ୍ଷେପ ନେଇଛି ତା’ଦ୍ୱାରା ଭାରତର ହିଁ କ୍ଷତି ହେବ ।

Survey showed #India is one of the most favorable neighbors to China after Russia, Pakistan and Japan but 90% surveyed support military retaliation against India's provocation. Chinese are rational to separate Indian culture, people with its hostile govt. https://t.co/eDsqWDFAW7 pic.twitter.com/uiY84XEqWY

— Global Times (@globaltimesnews) August 27, 2020

କେବଳ ୫୬ ପ୍ରତିଶତ ଭାରତ ବାବଦରେ ଜାଣନ୍ତି କିମ୍ବା ରୁଚି ରଖନ୍ତି । ୫୭ ପ୍ରତିଶତ ମାନନ୍ତି ଯେ, ଭାରତୀୟ ସେନା ଚୀନ୍ ସେନା ଆଗରେ ଛିଡା ହୋଇ ପାରିବ ନାହିଁ । ଏସବୁ ବିବାଦ ଭିତରେ ଚୀନ୍ ଟେକ୍ କଂପାନି ହୁୱାଇ କିନ୍ତୁ ଭାରତୀୟଙ୍କୁ ଆକର୍ଷିତ କରିବା ଉଦ୍ୟମ କରିଛି । ହୁୱାଇ ପକ୍ଷରୁ ନିକଟରେ ଜାରି ଏକ ବିଜ୍ଞାପନରେ କୁହାଯାଇଛି ଯେ, ୨୦ ବର୍ଷ ଧରି ଆମେ ଭାରତ ପ୍ରତି ପ୍ରତିବଦ୍ଧ ଓ ଆଗକୁ ମଧ୍ୟ ରହିବୁ ।