କ’ଣ ପାଇଁ ଭାରତୀୟ କ୍ରିକେଟ୍ ପ୍ରେମୀ ଆଜି ଚାହିଁବେ ପାକିସ୍ତାନ ନ୍ୟୁଜଲାଣ୍ଡ ଉପରେ ବିଜୟ ପାଉ ?

ନୂଆଦିଲ୍ଲୀ: ଚଳିତ ଟି-୨୦ ବିଶ୍ବକପରେ ପାକିସ୍ତାନ ବିପକ୍ଷରେ ନିଜର ଅଭିଯାନ ଆରମ୍ଭ କରିଥିଲା ଭାରତ । ଏଥିସହ ପ୍ରଥମ ମ୍ୟାଚରେ ଭାରତ ପାକିସ୍ତାନଠାରୁ ୧୦ ଓ୍ବିକେଟରେ ପରାଜୟ ଲାଭ କରିଥିଲା । ଏହି ପରାଜୟ ଫଳରେ ଚଳିତ ଟି-୨୦ ବିଶ୍ବକପ ସେମିଫାଇନାଲ ଖେଳିବା ଭାରତ ପାଇଁ କଷ୍ଟକର ହୋଇଛି । ସେମିଫାଇନାଲକୁ ଯିବାକୁ ହେଲେ ଭାରତ ତା’ର ସମସ୍ତ ୪ଟି ମ୍ୟାଚକୁ ଜିତିବାକୁ ପଡ଼ିବ । ଯଦି ଭାରତ ଗୋଟିଏ ବି ମ୍ୟାଚରେ ପରାଜୟ ବରଣ କରେ ତାହାଲେ ସେମିଫାଇନାଲ ରାସ୍ତା ଏକ ପ୍ରକାର ଅସମ୍ଭବ ହୋଇଯିବ ।
ଅନ୍ୟପଟେ ଆଜି ଖେଳାଯିବାକୁ ଥିବା ପାକିସ୍ତାନ ଓ ନ୍ୟୁଜିଲାଣ୍ଡ ମ୍ୟାଚ ଉପରେ ସବୁ ଭାରତୀୟଙ୍କ ନଜର ରହିବ । ପ୍ରଥମ ଥର ପାଇଁ ଆଜି ଭାରତ ଚାହିଁବ କି ଏହି ମ୍ୟାଚକୁ ପାକିସ୍ତାନ ବିଜୟଲାଭ କରୁ । କାହିଁକି ନା ଆଜିର ମ୍ୟାଚ ପାକିସ୍ତାନ ଜିତିଲେ ଭାରତ ପାଇଁ ସେମିଫାଇନାଲ ଯିବକୁ ଏକ ବଡ଼ ସୁଯୋଗ ମିଳିବ । କାହିଁକି ନା ଭାରତର ପରବର୍ତ୍ତୀ ମ୍ୟାଚ ନ୍ୟୁଜିଲାଣ୍ଡ ସହ ରହିଛି । ଯଦି ଭାରତ ନ୍ୟୁଜିଲାଣ୍ଡକୁ ପରାସ୍ତ କରେ ଏବଂ ଅବଶିଷ୍ଟ ତିନୋଟି ମ୍ୟାଚକୁ ବିଜୟ ଲାଭ କରେ ଏବଂ ପାକିସ୍ତାନ ମଧ୍ୟ ତା’ର ଅବଶିଷ୍ଟ ସମସ୍ତ ମ୍ୟାଚ ବିଜୟ ଲାଭ କରେ ତାହାଲେ ପଏଣ୍ଟ ଟେବୁଲରେ ଭାରତ ୮ ପଏଣ୍ଟ ସହ ଦ୍ବିତୀୟ ସ୍ଥାନରେ ରହିବ ଏବଂ ପାକିସ୍ତାନ ୧୦ ପଏଣ୍ଟ ସହ ପ୍ରଥମ ସ୍ଥାନରେ ରହିବ ।
ଅନ୍ୟପଟେ ଯଦି ନ୍ୟୁଜିଲାଣ୍ଡ ଉଭୟ ଭାରତ ପାକିସ୍ତାନକୁ ପରାଜିତ କରେ ଏବଂ ଅବଶିଷ୍ଟ ମ୍ୟାଚ ବିଜୟ ଲାଭ କରେ ତାହାଲେ ପଏଣ୍ଟ ଟେବୁଲରେ ନ୍ୟୁଜିଲାଣ୍ଡ ୧୦ ପଏଣ୍ଟ ସହ ପ୍ରଥମ ସ୍ଥାନରେ ରହିବ । ଯାହା ଫଳରେ ଭାରତ ସେମିଫାଇନାଲରେ ପ୍ରବେଶ କରିପାରିବ ନାହିଁ । ଅପରପକ୍ଷରେ ଗତକାଲି ଆଫଗାନିସ୍ତାନ ସ୍କଟଲାଣ୍ଡକୁ ୧୩୦ ରନରେ ପରାସ୍ତ କରି ସମସ୍ତ ଟିମଙ୍କ ମନରେ ଏକ ଭୟର ବାତାବରଣ ଖେଳାଇ ଦେଇଛି । ଯଦି ଆଜି ନ୍ୟୁଜିଲାଣ୍ଡ ପାକିସ୍ତାନକୁ ପରାଜିତ କରାଏ ଏବଂ ଆଫଗାନିସ୍ତାନ ଉଭୟ ପାକିସ୍ତାନ ଓ ନ୍ୟୁଜିଲାଣ୍ଡକୁ ପରାସ୍ତ କରେ ଓ ଭାରତଠାରୁ ପରାଜୟ ବରଣ କରେ ତାହାଲେ ପଏଣ୍ଟ ଟେବୁଲରେ ଭାରତ ପ୍ରଥମ ସ୍ଥାନରେ ରହି ପାରିବ । ଏସବୁକୁ ଦୃଷ୍ଟିରେ ରଖିଲେ ଆଜିର ପାକିସ୍ତାନ ଓ ନ୍ୟୁଜିଲାଣ୍ଡ ମ୍ୟାଚ ଭାରତ ପାଇଁ ବେଶ୍ ଗୁରୁତ୍ବବହନ କରିବ । ଅନ୍ୟପଟେ ଭାରତ ଆଗକୁ ଥିବା ସମସ୍ତ ମ୍ୟାଚରେ ବିଜୟଲାଭ କରି ସେମିଫାଇନାଲରେ ନିଜର ସ୍ଥାନ ପକ୍କା କରିବାକୁ ମଧ୍ୟ ଚେଷ୍ଟା କରିବ ।

ଏଥିସହିତ ପଢ଼ନ୍ତୁ: ସାନିଆ ମିର୍ଜାଙ୍କ ପରେ ଚର୍ଚ୍ଚାରେ ହାସନ ଅଲ୍ଲୀଙ୍କ ପତ୍ନୀ ଶାମିଆ