LACରେ ଚୀନ୍ ସେନାର ଅଭ୍ୟାସ ଉପରେ ଭାରତର କଡ଼ା ନଜର: ଲେଫଟନାଣ୍ଟ ଜେନରାଲ ମନୋଜ ପାଣ୍ଡେ

ଲଦାଖ: ପ୍ରକୃତ ନିୟନ୍ତ୍ରଣ ରେଖାରେ ବେଶ୍ ସକ୍ରିୟ ଚୀନର ପିପୁଲସ ଲିବରେସନ ଆର୍ମି । ବିଭିନ୍ନ ସ୍ଥାନରେ ବାର୍ଷିକ ପ୍ରଶିକ୍ଷଣ କାର୍ଯ୍ୟକ୍ରମ ଚାଲିଥିବା ସହ ବିଭିନ୍ନ ନୀଚା ସ୍ଥାନରେ ସୈନ୍ୟ ମୁତୟନ କରିଛି ବୋଲି କହିଛନ୍ତି ପୂର୍ବାଞ୍ଚଳ ସେନା କମାଣ୍ଡର ଲେଫଟନାଣ୍ଟ ଜେନରାଲ ମନୋଜ ପାଣ୍ଡେ ।

ଏନେଇ ସେ କହିଛନ୍ତି ଯେ ବିଭିନ୍ନ ଆଲୋଚନା ସତ୍ତ୍ବେ ଚୀନ ବିବାଦୀୟ ଏଲଏସି ଅଞ୍ଚଳରେ ଗ୍ରାମ ପ୍ରତିଷ୍ଠା କରୁଛି ଏବଂ ସେଥିପ୍ରତି ବେଶ୍ ସଜାଗ ରହିଛି ଭାରତ । ଉଭୟ ସାମରିକ ଓ ବେସାମରିକ ସ୍ତରରେ ଭାରତ ସଜାଗ ରହିଛି ବୋଲି ସେ କହିଛନ୍ତି । ଅରୁଣାଚଳ ପ୍ରଦେଶର ରୁପାଠାରେ ପାଣ୍ଡେ କହିଛନ୍ତି ଏଲଏସିରେ ଚୀନ ନିଜର ସାମରିକ କାର୍ଯ୍ୟକଳାପ ବଢାଇବାରେ ଲାଗିଛି ଏବଂ ସ୍ଥାନୀୟ କମାଣ୍ଡର ସ୍ତରରେ ଏହାର ସମାଧାନ କରାଯାଉଛି ।

We've enhanced our surveillance both in LAC and depth areas. We've adequate force available in each sector to deal with any contingency that arrives. Patrolling pattern has not increased or changed much, in some areas there is a marginal increase: Lt Gen Manoj Pande

— ANI (@ANI) October 19, 2021

ତେବେ ସୀମାନ୍ତରେ ସୃଷ୍ଟି ହେଉଥିବା ଉତ୍ତେଜନା ପ୍ରଶମନ ଲାଗି ଭାରତ ବିଭିନ୍ନ ଗୁରୁତ୍ବପୂର୍ଣ୍ଣ ପଦକ୍ଷେପ ନେଉଛି ଏବଂ ତିନିଟି ହଟଲାଇନ ପ୍ରତିଷ୍ଠା ହୋଇଛି ବୋଲି କହିଛନ୍ତି । ଏଲଏସିରେ ଦୁଇ ପକ୍ଷ ଭିତ୍ତିଭୂମି ପ୍ରତିଷ୍ଠା କରୁଥିବା ବିଷୟ ସେ କହିଛନ୍ତି । ଅପରପକ୍ଷେ କେନ୍ଦ୍ର ସରକାର ସବୁବେଳେ ସ୍ଥିତି ଉପରେ ନଜର ରଖିଥିବା ଏବଂ ସରକାରଙ୍କ ବିଦେଶ ନୀତି ସବୁବେଳେ ସ୍ପଷ୍ଟ ରହିଥିବା ନେଇ ସୂଚନା ମିଳିଛି।