ଆଜି ଇଣ୍ଡିଆ ମେଣ୍ଟର ବୈଠକ, ଯୋଗ ଦେବେ ହେଭିୱେଟ
ନୂଆଦିଲ୍ଲୀ: ସନ୍ଧ୍ଯାରେ ବସିବ ଇଣ୍ଡିଆ ମେଣ୍ଟର ଗୁରୁତ୍ବପୂର୍ଣ୍ଣ ବୈଠକ। ଏଆଇସିସି ସଭାପତି ମଲ୍ଲିକାର୍ଜୁନ ଖଡଗେଙ୍କ ବାସଭବନରେ ଆୟୋଜିତ ହେବାକୁ ଥିବା ବୈଠକରେ ସାମିଲ ହୋଇଛନ୍ତି ବିଭିନ୍ନ ଦଳର ହେଭିୱେଟ। ନିର୍ବାଚନରେ ଇଣ୍ଡିଆ ମେଣ୍ଟ ଆଶାତୀତ ସଫଳତା ହାସଲ କରିବା ପରେ ଉତ୍ସାହିତ ଅଛନ୍ତି ମେଣ୍ଟ ନେତା।
ବିଭିନ୍ନ ଆଞ୍ଚଳିକ ଦଳର ନେତାମାନେ ଦିଲ୍ଲୀରେ ପହଞ୍ଚିବା ପରେ ଏକ ବଡ ଧରଣର ରଣନୀତି କରିବା ନିଶ୍ଚିତ ହୋଇଛି। ଏପରିକି ନିର୍ବାଚନ ପୂର୍ବରୁ ଏନଡିଏ ସହ ସାମିଲ ଥିବା କେତେକ ଦଳକୁ ମଧ୍ଯ ସମ୍ଭାବ୍ଯ ସରକାରରେ ସାମିଲ କରିବା ଲାଗି ଇଣ୍ଡିଆ ମେଣ୍ଟ ପ୍ରସ୍ତାବ ଦେବ ବୋଲି ସୂଚନା ମିଳିଛି।
ବୈଠକରେ ସୋନିଆ ଗାନ୍ଧୀ, ମଲ୍ଲିକାର୍ଜୁନ ଖଡଗେ, ଅଖିଳେଶ ଯାଦବ, ତେଜସ୍ବୀ ଯାଦବ, ଚମ୍ପାଇ ସୋରେନ, ଏମ.କେ. ଷ୍ଟାଲିନ, ତେଜସ୍ବୀ ଯାଦବ, ସୀତାରାମ ୟେଚୁରୀ, ଡି. ରାଜା, ଅଭିଷେକ ବାନାର୍ଜୀ ପ୍ରମୁଖ ଯୋଗଦେବା ସମ୍ଭାବନା ରହିଛି।
