ଦ୍ୱିତୀୟ ଦିନିକିଆରେ ୪ ୱିକେଟରେ ଶ୍ରୀଲଙ୍କାକୁ ହରାଇଲା ଟିମ୍ ଇଣ୍ଡିଆ

କୋଲକାତା: ଇଡେନ ଗାର୍ଡେନରେ ଟିମ୍ ଇଣ୍ଡିଆର ଦମଦାର ପ୍ରଦର୍ଶନ । ଟି-୨୦ ପରେ ଏକଦିବସୀୟ ସିରିଜ୍ କବଜା କଲା ଭାରତ । ଦ୍ବିତୀୟ ଏକଦିବସୀୟ ମ୍ୟାଚକୁ ୪ ଓ୍ବିକଟରେ ଜିତି ୨-୦ରେ ସିରିଜକୁ ଆଗୁଆ କବଜା କରିନେଇଛି ରୋହିତ ଆଣ୍ଡ କୋ । ଶ୍ରୀଲଙ୍କାର ୨୧୬ ରନ ଟାର୍ଗେଟକୁ ୬ ଓଭର ୪ଟି ବଲ ବାକି ଥାଇ ଜିତି ନେଇଛି ଭାରତ । ଆଜି ଟସ ଜିତି ଶ୍ରୀଲଙ୍କା ପ୍ରଥମେ ବ୍ୟାଟିଂ କରିଥିଲା । ଭାରତ ବୋଲରଙ୍କ ଚମତ୍କାର ବୋଲିଂ ଯୋଗୁଁ ଭ୍ରମଣକାରୀ ଟିମ୍ ମାତ୍ର ୩୯ ଓଭର ୪ଟି ବଲରେ ସମସ୍ତ ଓ୍ବିକେଟ ହରାଇ ୨୧୫ ରନ କରିବାରେ ସକ୍ଷମ ହୋଇଥିଲା । ଦଳ ୫୦ ଓଭର ମ୍ୟାଚ୍ ଖେଳିପାରିନଥିଲା ।

୩୯.୪ ଓଭରରେ ଦଳ ନିଜର ସମସ୍ତ ୱିକେଟ୍ ହରାଇ ୨୧୫ ରନ୍ ସଂଗ୍ରହ କରିଥିଲା । ନୁୱାନିଦୁ ଫର୍ଣ୍ଣାଣ୍ଡୋ ଶ୍ରୀଲଙ୍କା ପାଇଁ ସର୍ବାଧିକ ୫୦ ରନ୍ କରିଥିଲେ । ଭାରତ ପକ୍ଷରୁ କୁଲଦୀପ ଯାଦବ ଏବଂ ମହମ୍ମଦ ସିରାଜ ତିନୋଟି ଲେଖାଏଁ ୱିକେଟ୍ ଅକ୍ତିଆର କରିଥିଲେ । ସେହିପରି ଭାରତ ୨୧୬ ରନ୍ ର ଲକ୍ଷ୍ୟକୁ ୪୩.୨ ଓଭରରେ ହାସଲ କରିନେଇଛି । ଏହି ସମୟରେ ଭାରତ ୬ ୱିକେଟ ମଧ୍ୟ ହରାଇଥିଲା, କିନ୍ତୁ କେଏଲ ରାହୁଲଙ୍କ ଅପରାଜିତ ଅର୍ଦ୍ଧଶତକ ଫଳପ୍ରଦ ସାବ୍ୟସ୍ତ ହୋଇଛି ।

ହାର୍ଦ୍ଦିକ ପାଣ୍ଡ୍ୟା ୫୩ ଟି ବଲରେ ୩୬ ରନ୍ କରି ଆଉଟ୍ ହୋଇଥିଲେ । କେଏଲ ରାହୁଲ ୧୦୩ ଟି ବଲ୍ ଖେଳି ୬୪ ରନ୍ କରି ଏକ ବିଜୟୀ ପାରି ଖେଳିଥିଲେ । ଅନ୍ୟମାନଙ୍କ ମଧ୍ୟରେ ଶୁଭମନ ଗିଲ୍ ୨୧ ରନ୍, ଶ୍ରେୟସ ଆୟର ୨୮ ରନ୍, ଅକ୍ସର ପଟେଲ ୨୧ ରନ୍ କରିଥିଲେ । କୁଲଦୀପ ଯାଦବ ମଧ୍ୟ ୧୦ ରନ୍ କରି ଅପରାଜିତ ରହିଥିଲେ । ଶ୍ରୀଲଙ୍କା ପକ୍ଷରୁ ଲହିରୁ କୁମାରା ଏବଂ ଚମିକା କରୁଣାରତ୍ନେ ୨ ଟି ଲେଖାଏଁ ୱିକେଟ୍ ଅକ୍ତିଆର କରିଥିଲେ ।