୩-୦ରେ ଭାରତ ବିଜୟୀ, ବିଶ୍ୱକପର ବଦଲା ସିରିଜରେ
1 min read
କୋଲକାତା: ନ୍ୟୁଜିଲ୍ୟାଣ୍ଡ ବିପକ୍ଷରେ ଟି-୨୦ ସିରିଜ୍କୁ କ୍ଲିନ୍ ସୁଇପ କରିଛି ଭାରତ । ତିନୋଟି ଯାକ ମ୍ୟାଚ୍ରେ ଭାରତ ଶ୍ରେଷ୍ଠ ପ୍ରଦର୍ଶନ କରି ୩-୦ରେ ବିଜୟ ହାସଲ କରିଛି । ଆଜି ଅର୍ଥାତ ରବିବାର ସିରିଜର ଶେଷ ମ୍ୟାଚ୍ ଥିବାବେଳେ ଭାରତ ୭ ୱିକେଟ ହରାଇ ୧୮୪ ରନ୍ କରିଥିଲା । ସେପଟେ ୧୭ ଓଭର ୨ଟି ବଲ୍ରେ ୧୧୧ ରନ୍ କରି ଅଲଆଉଟ ହୋଇଛି ନ୍ୟୁଜିଲାଣ୍ଡ ।
ଭାରତ ପକ୍ଷରୁ ଅଧିନାୟକ ରୋହିତଙ୍କ ଶର୍ମା ସର୍ବାଧିକ ୫୬ ରନ୍ କରିଥିବାବେଳେ ଇଷାନ କିଶାନ ୨୯ ରନ୍ କରିଥିଲେ । କୋଲାକାତା ଇଡେନ ଗାର୍ଡେନରେ ପ୍ରଥମେ ଭାରତ ଟସ୍ ଜିତିବାସହ ବ୍ୟାଟିଂ ନିଷ୍ପତି ନେଇଥିଲା । ନିର୍ଦ୍ଧାରିତ ଓଭରରେ ଭାରତ ୧୮୪ ରନ୍ କରିଥିଲା । ସେପଟେ ଭାରତର ପିଛା କରିଥିବା ନ୍ୟୁଜିଲାଣ୍ଡ ପକ୍ଷରୁ ମାର୍ଟିନ ଗୁପଟିଲ ଏକାକି ୫୧ ରନ୍ କରିଥିଲେ ମଧ୍ୟ ଟିମ୍ ବିପର୍ଯ୍ୟୟର ସାମ୍ନା କରିଛି ।
