ଚୀନର ଏହି ଓ୍ୱେବସାଇଟକୁ ବ୍ଲକ କଲା ଭାରତ, ଜାଣନ୍ତୁ କାରଣ କ’ଣ ?

1 min read

ନୂଆଦିଲ୍ଲୀ: ଟେଲିକମ ବିଭାଗ ଚୀନର ନ୍ୟାସନାଲ ବ୍ୟୁରୋ ଅଫ ଷ୍ଟାଟିଷ୍ଟିକ୍ସର ଇଂରାଜୀ ଓ୍ୱେବସାଇଟକୁ ବ୍ୟାନ୍ କରି ଦେଇଛନ୍ତି । ପୂର୍ବ ଲଦାଖରେ ସୀମାରେ ଚାଲୁଥିବା ବିବାଦକୁ ନେଇ ଏଭଳି ନିଷ୍ପତ୍ତି ନେଇଛନ୍ତି କେନ୍ଦ୍ର ସରକାର । ତଥାପି ଏବେ ମଧ୍ୟ ଗ୍ଲୋବାଲ ଟାଇମ୍ସ ଏବଂ ସରକାରୀ ଏଜେନ୍ସି ସିହ୍ନୁଆକୁ ଏବେ ମଧ୍ୟ ବ୍ୟବହାର କରି ହେଉଛି । ତେବେ ଏହି ଓ୍ୱେବସାଇଟକୁ କ୍ଲିକ କରିବା ପରେ ସ୍କ୍ରିନ ଉପରେ ଏକ ମେସେଜ ନଜର ଆସୁଛି । ମେସେଜଟି ହେଉଛି, ଆପଣଙ୍କ ଦ୍ୱାରା ଅନୁରୋଧ କରାଯାଇଥିବା ୟୁଆରଏଲକୁ ଭାରତ ସରକାରଙ୍କ ଟେଲିକମ୍ୟୁନିକେସନ ଡିପାର୍ଟମେଣ୍ଟର ନିର୍ଦ୍ଦେଶ ଅନୁସାରେ ବ୍ଲକ କରିଦିଆଯାଇଛି । ଅଧିକ ସୂଚନା ପାଇଁ ଆଡମିନଷ୍ଟ୍ରେଟରଙ୍କ ସହିତ ଯୋଗାଯୋଗ କରନ୍ତୁ ।

ପୂର୍ବ ଲଦାଖର ଗଲଓ୍ୱାନ ଘାଟୀରେ ଭାରତ ଏବଂ ଚୀନ ମଧ୍ୟରେ ହୋଇଥିବା ଉତ୍ତେଜନାରେ ଭାରତର ୨୦ ଜଣ ଯବାନ ସହୀଦ ହୋଇଯାଇଥିଲେ । ଯାହାପରେ ଉକ୍ତ ମାମଲାକୁ ନଜରରେ ରଖି ଚୀନର ଶତାଧିକ ଆପ୍ଲିକେସନକୁ ବ୍ୟାନ କରିଛି ଭାରତ । ଏଥିରେ ଲୋକପ୍ରିୟ ଓ୍ୱେବସାଇଟ TIKTOK ଏବଂ PUBG ମଧ୍ୟ ସାମିଲ ରହିଛି ।

ସୂଚନାଯୋଗ୍ୟ ଭାରତର ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଜୀନକୁ ନେଇ ଗୁରୁବାରକୁ ରାଜ୍ୟସଭାରେ ବୟାନ ଦେଇଛନ୍ତି । ଯଦି ଆବଶ୍ୟକ ପଡ଼େ ଭାରତ ନଇଁବ ନାହିଁ ବୋଲି ସେ ତାଙ୍କ ବୟାନରେ ଉଲ୍ଲେଖ କରିଛନ୍ତି ।

Opn Commnet Area

Leave a Reply

Your email address will not be published. Required fields are marked *