ମେଲବର୍ଣ୍ଣରେ ଭାରତ ଓ ଅଷ୍ଟ୍ରେଲିଆ ମୁହାଁମୁହିଁ

ନନ୍ଦିଘୋଷ ବ୍ୟୁରୋ : ବର୍ଡର-ଗାଭାସ୍କର ଟ୍ରଫିର ବକ୍ସିଂ ଡେ ଟେଷ୍ଟ । ମେଲବର୍ଣ୍ଣରେ ମୁହାଁମୁହିଁ ହୋଇଛନ୍ତି ଭାରତ ଓ ଅଷ୍ଟ୍ରେଲିଆ । ୧-୧ ସ୍ଥିତିରେ ଥିବାରୁ ଚତୁର୍ଥ ଟେଷ୍ଟ ଉଭୟ ଦଳ ପାଇଁ ଗୁରୁତ୍ୱପୂର୍ଣ୍ଣ । ଭାରତୀୟ ସମୟ ଭୋର ୫ଟା ୩୦ରୁ ଆରମ୍ଭ ହୋଇଛି ମ୍ଯାଚ । ଚଳିତ ବର୍ଡର ଗାଭାସ୍କର ଟ୍ରଫି ଶୃଙ୍ଖଳାରେ ଭାରତ ଯଦି ହାରିଯାଏ ତେବେ ଚଳିତ ବିଶ୍ବ ଟେଷ୍ଟ ଚାମ୍ପିଅନ୍‌ସିପ୍ ଫାଇନାଲ୍‌ ଖେଳିବା ରାସ୍ତା ଏକ ପ୍ରକାର ବନ୍ଦ ହୋଇଯିବ । ଫାଇନାଲ୍ ଖେଳିବା ‌ଦୌଡ଼ରେ ଗତ ଥରର ବିଜେତା ଅଷ୍ଟ୍ରେଲିଆ, ଦୁଇଥର ଉପବିଜେତା ଭାରତ ଓ ଦକ୍ଷିଣ ଆଫ୍ରିକା ଦୃଢ଼ ଦାବିଦାର ରହିଛନ୍ତି । ବକ୍ସିଂ ଡେ ଟେଷ୍ଟ ରେ ଭାରତ ମିଶ୍ର ଫଳ ପାଇଆସିଛି । ‌ବକ୍ସିଂ ଡେରେ ଖେଳିଥିବା ୧୪ ମ୍ୟାଚ୍‌ରୁ ଭାରତ ୪ ଟି ଜିତିଛି । ୮ଟି ହାରିଥିଲା ବେଳେ ଦୁଇଟିକୁ ଅମୀମାଂସିତ ରହିଛି।