ଭାରତ-ଅଷ୍ଟ୍ରେଲିଆ ଟି-୨୦ ସିରିଜ, ନାଗପୁର ମ୍ୟାଚ୍ ୬ ଓ୍ବିକେଟରେ ଜିତିଲା ମେନ୍ ଇନ୍ ବ୍ଲୁ
1 min read
ନାଗପୁର: ନାଗପୁରରେ ଟି୨୦ ସିରିଜର ଦ୍ବିତୀୟ ମ୍ୟାଚ୍ରେ କଙ୍ଗାରୁ ଟିମ୍କୁ ୬ ୱିକେଟରେ ହରାଇଛି ଭାରତ । ବର୍ଷା କାରଣରୁ ନାଗପୁରରେ ୮ ଓଭର ବିଶିଷ୍ଟ ମ୍ୟାଚ୍ ଖେଳାଯାଇଥିଲା । ଭାରତୀୟ କ୍ୟାପଟେନ୍ ରୋହିତ ଶର୍ମା ଟସ୍ ଜିତି ପ୍ରଥମେ ବୋଲିଂ ନିଷ୍ପତ୍ତି ନେଇଥିଲେ । ଟିମ୍ ୧୧ରେ କିଛି ପରିବର୍ତ୍ତନ କରିଥିଲା ଭାରତୀୟ ଦଳ । ଉମେଶ ଯାଦବଙ୍କ ସ୍ଥାନରେ ଟିମ୍କୁ ଫେରିଥିଲେ ଜଶପ୍ରୀତ ବୁମରାହ । ଆଘାତ ପରେ ବି ପଡିଆକୁ ଓହ୍ଲାଇଥିଲେ ବୁମରାହ ।
ପ୍ରଥମେ ବ୍ୟାଟିଂ କରି ୮ ଓଭରରେ ୫ ୱିକେଟ୍ ହରାଇ ୯୦ ରନ ସଂଗ୍ରହ କରିଥିଲା ଅଷ୍ଟ୍ରେଲିଆ ଟିମ । ଏହାର ଜବାବରେ ଭାରତୀୟ ଟିମ୍ ୪ ୱିକେଟରେ ହିଁ ଟାର୍ଗେଟ ହାସଲ କରିଥିଲା । ୨୦ ବଲ୍ରେ ରୋହିତ ନଟ୍ଆଉଟ୍ ରହି ୪୬ ରନ୍ ସଂଗ୍ରହ କରିଥିଲେ । ୪ ଚଉକା ଓ ୪ ଛକା ସହ ନାଗପୁର ମ୍ୟାଚ୍ର ଷ୍ଟାର ସାଜିଥିଲେ ରୋହିତ ।
ଏହା ସହ ଭାରତ ୧-୧ରେ ନାଗପୁରରେ ସିରିଜ ବରାବର କରିଛି ।
