ଭୁବନେଶ୍ୱର: ଆସନ୍ତାକାଲି ଫିଫା ବିଶ୍ବକପରେ ମରୋକୋକୁ ଭେଟିବ ଭାରତ। ପ୍ରଥମ ମୁକାବିଲାରେ ଭାରତର ପରାଜୟ ପରେ ଆସନ୍ତାକାଲି ପାଇଁ ପ୍ରସ୍ତୁତ କରିଛି ରଣନୀତି। କାଲି କଳିଙ୍ଗ ଷ୍ଟାଡିୟମରେ ୨ଟି ମ୍ୟାଚ ଖେଳାଯିବ। ପ୍ରଥମ ମ୍ୟାଚ ଦିନ ୪ଟା ୩୦ ମିନିଟରେ ୟୁଏସଏ ଓ ବ୍ରାଜିଲ ମଧ୍ୟରେ ଖେଳାଯିବାକୁ ଥିବା ବେଳେ ଦ୍ବିତୀୟ ମ୍ୟାଚ୍ ରାତି ୮ଟାରେ ଭାରତ ଓ ମରୋକ ମଧ୍ୟରେ ଖେଳାଯିବ।
ପୂର୍ବ ମ୍ୟାଚର ଦୋଷ ଦୁର୍ବଳତାକୁ ଭୁଲି ମରୋକୋ ମ୍ୟାଚରେ ଭାରତ କମ ବ୍ୟାକ କରିବ ବୋଲି କହିଛନ୍ତି ଭାରତୀୟ ମହିଳା ଦଳର କୋଚ ଡି ଥୋମାସ। ପୂର୍ବତନ ଅନ୍ତର୍ଜାତୀୟ ମହିଳା ଫୁଟବଲର ରଂଜିତା ମହାନ୍ତି କହିଛନ୍ତି, ଭୁବନେଶ୍ବରରେ ଦୀର୍ଘଦିନ ଧରି ଭାରତୀୟ ଖେଳାଳି ଅଭ୍ୟାସ କରିବା ସହ ଏଠିକାର ପରିବେଶ ସହ ସମ୍ପୂର୍ଣ୍ଣ ଖାପଖୁଆଇ ନେଇଛନ୍ତି।
ତେବେ ଆଗାମୀ ଦୁଇଟି ମ୍ୟାଚ ଏଠାରେ ଭାରତ ଭଲ ଖେଳିବା ସହ ବିଜୟୀ ହେବ ବୋଲି ସେ କହିଛନ୍ତି । ୟୁଏସଏ ସହ ଭାରତ ପୂର୍ବ ମ୍ୟାଚରେ ଡିଫେନ୍ସିଂ ଖେଳ ପ୍ରଦର୍ଶନ କରିଥିଲା ତେବେ ଆଗମୀ ମ୍ୟାଚରେ ଭାରତ ଆଟାକିଂ ଗେମ ଖେଳିଲେ ନିଶ୍ଚିତ ଭାବେ ମରୋକୋ ବିପକ୍ଷରେ ବିଜୟ ହାସଲ କରିବ ବୋଲି କୁହାଯାଇଛି।
