ଆଜିଠୁ ଭାରତ-ଆଫଗାନିସ୍ତାନ ଟି-ଟ୍ବେଣ୍ଟି ସିରିଜ, ସୂର୍ଯ୍ୟକୁମାର ଓ ହାର୍ଦ୍ଦିକ ବାଦ୍
1 min read
ମୋହାଲି: ଆଜିଠୁ ଭାରତ-ଆଫଗାନିସ୍ତାନ ଟି-ଟ୍ବେଣ୍ଟି ସିରିଜ । ୩ ଟିକିଆର ସିରିଜର ପ୍ରଥମ ମ୍ୟାଚ୍ ଆଜି ମୋହାଲିରେ ଖେଳାଯିବ । ସନ୍ଧ୍ୟା ୭ଟାରେ ମ୍ୟାଚ ଅନୁଷ୍ଠିତ ହେବ । ୧୪ ମାସ ପରେ ଟି-ଟ୍ବେଣ୍ଟି ଅଧିନାୟକ ଭାବେ ପଡ଼ିଆକୁ ଓହ୍ଲାଇବେ ରୋହିତ ଶର୍ମା । ସୂର୍ଯ୍ୟକୁମାର ଯାଦବ ଓ ହାର୍ଦ୍ଦିକ ପାଣ୍ଡ୍ୟା ଆହତ କାରଣରୁ ବାଦ ପଡ଼ିଥିବାବେଳେ ବିରାଟ କୋହଲି, ଶୁଭମନ ଗିଲ, ଜୟଶ୍ବାଲ ଟପ ଅର୍ଡରରେ ରହିଛନ୍ତି ।
ସେହିପରି ସଞ୍ଜୁ ସାମସନ, ଜିତେଶ ବର୍ମା, ତିଲକ ବର୍ମା, ରିଙ୍କୁ ସିଂ ସାମିଲ ଅଛନ୍ତି । ବୁମରା, ସିରାଜ, ଜାଡେଜା, କେଏଲ ରାହୁଲ , ଶ୍ରେୟର ଆୟାର ଦଳରେ ସ୍ଥାନ ପାଇନାହାନ୍ତି । ମ୍ୟାଚରେ ଦମଦାର ପ୍ରଦର୍ଶନ କରି ବିଜୟ ସହିତ ଆରମ୍ଭରୁ ସିରିଜକୁ ନିଜ ଅଧିନକୁ ନେବାକୁ ଆଶା ରଖିଛି ଭାରତ । ସେପଟେ ଭାରତକୁ ଜବାବ ଦେବାକୁ ଭ୍ରମଣକାରୀ ଦଳ ଆଫଗାନିସ୍ତାନ ସ୍ବତନ୍ତ୍ର ରଣନୀତି କରିଛି ।
