ଜାତିସଂଘରେ ଚୀନ ବିରୋଧରେ ଭୋଟ ଦେଲାନି ଭାରତ

ନୂଆଦିଲ୍ଲୀ: ଜାତିସଂଘରେ ଚୀନ ବିରୋଧରେ ଭୋଟ ଦେଲାନି ଭାରତ । ଉତ୍ତର-ପଶ୍ଚିମ ଚୀନର ସିନଜାଙ୍ଗ୍ ଅଞ୍ଚଳରେ ମାନବାଧିକାର ଉଲ୍ଲଂଘନକୁ ନେଇ ନେଇ ଜାତିସଂଘରେ ବିତର୍କ ପାଇଁ ପ୍ରସ୍ତାବ ଆସିଥିଲା । ଚୀନର ଏହି ସ୍ୱୟଂଶାସିତ ଅଞ୍ଚଳରେ ମାନବ ଅଧିକାର ଉପରେ ଆଲୋଚନା ପାଇଁ ଆମେରିକା, କାନାଡା ଏବଂ ବ୍ରିଟେନ୍ ପ୍ରସ୍ତାବ ଆଣିଥିଲେ । ମାତ୍ର ଭାରତ ଏହି ବିତର୍କରୁ ନିବୃତ ରହିଥିଲା ।

୪୭ ସଦସ୍ୟ ବିଶିଷ୍ଠ ସଂଘର ୧୭ ଜଣ ସଦସ୍ୟ ଏହି ପ୍ରସ୍ତାବକୁ ସମର୍ଥନ କରିଥିବା ବେଳେ ଚୀନ ସମେତ ୧୯ ସଦସ୍ୟ ଏହାକୁ ବିରୋଧ କରିଥିଲେ । ଭାରତ, ବ୍ରାଜିଲ, ମେକ୍ସିକୋ ଏବଂ ୟୁକ୍ରେନ ସମେତ ୧୧ ଜଣ ଭୋଟ ଦେବାରୁ ନିବୃତ ରହିଥିଲେ । ବିତର୍କ ଆରମ୍ଭ ହେବା ପୂର୍ବରୁ ସଦସ୍ୟ ରାଷ୍ଟ୍ରଗୁଡ଼ିକୁ ସତର୍କ କରାଇଥିଲେ ଚୀନ ଅଧିକାରୀ । ଆଜି ଚୀନକୁ ଟାର୍ଗେଟ କରାଯାଉଛି ଆଗାମୀ ଦିନରେ ଅନ୍ୟ ବିକାଶଶୀଳ ରାଷ୍ଟ୍ରଗୁଡିକୁ ଟାର୍ଗେଟ କରାଯିବ ବୋଲି ଚୀନର ଅଧିକାରୀ କହିଥିଲେ ।