ଆଜି ୭୭ ତମ ସ୍ବାଧୀନତା ଦିବସ : ଲାଲକିଲ୍ଲାରେ ତ୍ରିରଙ୍ଗା ଉତ୍ତୋଳନ କଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି

ନୂଆଦିଲ୍ଲୀ : ଦେଶ ପାଳୁଛି ୭୭ତମ ସ୍ବାଧୀନତା ଦିବସ । ଦିଲ୍ଲୀ ଲାଲକିଲ୍ଲାରେ ଧ୍ବଜା ଉତ୍ତୋଳନ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ପତାକା ଉତ୍ତୋଳନ ପରେ ୧୪୦ କୋଟି ଭାରତୀୟଙ୍କୁ ପ୍ରଧାନମନ୍ତ୍ରୀ ଶୁଭେଚ୍ଛା ଜଣାଇବା ସହ ଅଭିଭାଷଣ ରଖିଥିଲେ । ସମ୍ବୋଧନରେ ବିକଶିତ ରାଷ୍ଟ୍ରର ବ୍ଲୁପ୍ରିଣ୍ଟ ରଖିଛନ୍ତି ପିଏମ୍ । ୨୦୪୭ରେ ଦେଶ ଶହେ ତମ ସ୍ବାଧୀନତା ଦିବସ ପାଳିବ । ସେତେବେଳେ ତ୍ରିରଙ୍ଗା ଦୁନିଆର ଏକ ବିକଶିତ ରାଷ୍ଟ୍ର ଭାବେ ପରିଗଣିତ ହେଉଥିବ । ଆଗାମୀ ୫ବର୍ଷରେ ଭାରତ ବିଶ୍ବର ତୃତୀୟ ସବୁଠୁ ବଡ଼ ଅର୍ଥନୈତିକ ରାଷ୍ଟ୍ର ହେବ ବୋଲି ପ୍ରଧାନମନ୍ତ୍ରୀ କହିଛନ୍ତି । ଘର ଛାଡ଼ି ସହରରେ ଭଡ଼ାରେ ରହୁଥିବା ଲୋକଙ୍କୁ ବ୍ୟାଙ୍କ ଲୋନ ସୁବିଧା ସହଜରେ ମିଳିପାରିବ ।

ସାରାଦେଶରେ ୨୫ହଜାର ଜନଔଷଧୀ କେନ୍ଦ୍ର ଖୋଲାଯିବ । ୧୭ ସେପ୍ଟେମ୍ବରରୁ ବିଶ୍ବକର୍ମା ଯୋଜନା ଆରମ୍ଭ କରାଯିବ ବୋଲି ଘୋଷଣା କରିଛନ୍ତି ପ୍ରଧାନମନ୍ତ୍ରୀ । ସ୍ବପ୍ନ ଅନେକ ଓ ସ୍ପଷ୍ଟ ନୀତି ଯୋଗୁ ଦେଶକୁ ଅନେକ ଉପଲବ୍ଧୀ ମିଳିଛି । ମଣିପୁର ହିଂସା ପ୍ରସଙ୍ଗରେ ପ୍ରଧାନମନ୍ତ୍ରୀ ଭାଷଣରେ ଉଲ୍ଲେଖ କରିଥିଲେ । ମଣିପୁରକୁ ଶାନ୍ତି ଫେରାଇବା ପାଇଁ ଲଗାତାର ଚେଷ୍ଟା ଜାରି ରହିଛି । ଡେମୋଗ୍ରାଫି, ଡେମୋକ୍ରାସି ଓ ଡାଇଭରସିଟି ଆଧାରରେ ଦେଶର ସ୍ବପ୍ନ ପୂରଣ କରାଯିବ ବୋଲି ମୋଦି କହିଛନ୍ତି ।

ରାଜନୀତିକୁ ପରିବାରବାଦ, ଭ୍ରଷ୍ଟାଚାର ଓ ତୁଷ୍ଟିକରଣ ମୁକ୍ତ କରିବାକୁ ପ୍ରଧାନମନ୍ତ୍ରୀ ଆହ୍ବାନ ଦେଇଥିଲେ । ଲାଲକିଲ୍ଲାରେ ପତାକା ଉତ୍ତୋଳନ ଓ ପ୍ରଧାନମନ୍ତ୍ରୀଙ୍କ ଅଭିଭାଷଣ ବେଳେ ସାମିଲ ହେଲେନି କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେ । AICC ହେଡକ୍ବାର୍ଟର୍ସରେ ପତାକା ଉତ୍ତୋଳନ କାର୍ଯ୍ୟକ୍ରମ ରହିଥିବାରୁ ଖଡଗେ ସାମିଲ ହୋଇ ନଥିବା ଜଣାପଡ଼ିଛି । ।

https://www.youtube.com/watch?v=Zn6KZwFyO7U