ଭାରତ- ଓ୍ୱେଷ୍ଟଇଣ୍ଡିଜ୍ ଦ୍ୱିତୀୟ ଦିନିକିଆ: ଟସ୍ ଜିତିଲା ଓ୍ୱେଷ୍ଟଇଣ୍ଡିଜ୍, ବ୍ୟାଟିଂ କରିବ ଭାରତ

ଅହମଦାବାଦ: ଆଜି ଭାରତ-ଓ୍ୱେଷ୍ଟଇଣ୍ଡିଜ୍ ମଧ୍ୟରେ ଖେଳାଯାଉଛି ଦ୍ୱିତୀୟ ଦିନିକିଆ । ଦ୍ୱିତୀୟ ମ୍ୟାଚରେ ଟସ୍ ଜିତି ବୋଲିଂ ନିଷ୍ପତ୍ତି ନେଇଛି ଓ୍ୱେଷ୍ଟଇଣ୍ଡିଜ୍ । ଅହମଦାବାଦରେ ଖେଳାଯାଉଛି ଏହି ମ୍ୟାଚ । ଦ୍ୱିତୀୟ ମ୍ୟାଚରେ ଭାରତ ପକ୍ଷରୁ ଗୋଟିଏ ପରିବର୍ତ୍ତନ କରାଯାଇଛି । ପ୍ରଥମ ମ୍ୟାଚରେ ଦଳରୁ ବାହାର ଥିବା କେଏଲ ରାହୁଲ ଦ୍ୱିତୀୟ ମ୍ୟାଚରେ ପୁଣି ଥରେ ଦଳକୁ ଫେରିଛନ୍ତି । ଯାହା ଫଳରେ ପ୍ରଥମ ମ୍ୟାଚରେ ରୋହିତଙ୍କ ସହ ଓପନିଂ କରିଥିବା ଯୁବ ବ୍ୟାଟ୍ସମ୍ୟାନ ଇଶାନ କିଶାନ ଭାରତୀୟ ଦଳର ଚୁଡାନ୍ତ ଏକାଦଶରୁ ବାଦ୍ ପଡ଼ିଛନ୍ତି ।

🚨 Team News 🚨

1⃣ change for #TeamIndia as KL Rahul replaces Ishan Kishan in the team. #INDvWI @Paytm

Follow the match ▶️ https://t.co/yqSjTw302p

Here's our Playing XI 🔽 pic.twitter.com/sDT416fVjx

— BCCI (@BCCI) February 9, 2022

ପ୍ରଥମ ମ୍ୟାଚରେ ଦମଦାର ବିଜୟ ପରେ ଦ୍ୱିତୀୟ ମ୍ୟାଚରେ ମଧ୍ୟ ସେହି ଫର୍ମ ବଜାୟ ରଖିବାକୁ ଚେଷ୍ଟା କରିବ ଟିମ୍ ଇଣ୍ଡିଆ । ସେହିପରି ତିନିଟିକିଆ ସିରିଜର ପ୍ରଥମ ମ୍ୟାଚରେ ବିଜୟ ପରେ ଆଜିର ମ୍ୟାଚରେ ବିଜୟ ଲାଭ କରି ସିରିଜକୁ ନିଜ ନାମରେ କରିବାକୁ ମଧ୍ୟ ଚେଷ୍ଟା କରିବ ଟିମ୍ ଇଣ୍ଡିଆ । ଅନ୍ୟପକ୍ଷରେ ପ୍ରଥମ ମ୍ୟାଚରେ ପରାଜୟ ପରେ ଦ୍ୱିତୀୟ ଦିନିକିଆରେ ଓ୍ୱେଷ୍ଟଇଣ୍ଡିଜକୁ ଲାଗିଛି ବଡ଼ ଝଟକା । ସମ୍ପୂର୍ଣ୍ଣ ଭାବରେ ଫିଟ୍ ନଥିବାରୁ ଦ୍ୱିତୀୟ ମ୍ୟାଚରେ ଖେଳୁନାହାନ୍ତି କିରଣ ପୋଲାର୍ଡ । ତେବେ ଏହି ମ୍ୟାଚକୁ ଓ୍ୱେଷ୍ଟ ଇଣ୍ଡିଜ୍  ବିଜୟ ଲାଭ କରି ସିରିଜକୁ ୧-୧ରେ ବରାବର କରିବାକୁ ଚେଷ୍ଟା କରିବ ଓ୍ୱେଷ୍ଟ ଇଣ୍ଡିଜ୍ ।