ଯେଉଁଠି ହାରିଥିଲା, ସେଇଠି ଜିତିଲା ଭାରତ, ସିରିଜ ବରାବର
1 min read
ବଦଲା ନେଲା ଭାରତ । ଯେଉଁଠି ହାରିଥିଲା, ସେଇଠି ଜିତିଲା । ଅହମ୍ମଦାବାଦ ଟି-୨୦ରେ ଇଂଲଣ୍ଡକୁ ୭ ଓ୍ୱିକେଟ୍ରେ ହରାଇଲା ଟିମ୍ ଇଣ୍ଡିଆ । କ୍ୟାପଟେନ୍ କୋହଲିଙ୍କ ଅପରାଜିତ ୭୩ ରନ୍ ବଳରେ ମ୍ୟାଚ୍ ଜିତି ନେଇଛି ଭାରତ । ୧୬୪ ରନ୍ର ଟାର୍ଗେଟକୁ ପିଛା କରି ଭାରତ ୩ ଓ୍ୱିକେଟ୍ ହରାଇ ବିଜୟ ଲକ୍ଷ୍ୟ ହାସଲ କରିନେଇଛି ।
ଓପନର ଲୋକେଶ ରାହୁଲ କୌଣସି ରନ୍ ନ କରି ଆଉଟ୍ ହୋଇଥିଲେ । ଏହାପରେ ଇସାନ କିସାନ୍ ଖେଳିଥିଲେ ୫୬ ରନର ପାରି । ବିରାଟ କୋହଲି ୭୩ ରନ୍ କରିଥିବା ବେଳେ ରିସଭ ପନ୍ଥ ୨୬ ରନ୍ ଓ ଶ୍ରେୟସ ଆୟାର ୮ ରନ୍ କରିଥିଲେ ।
ପ୍ରଥମେ ବ୍ୟାଚିଂ କରି ନିର୍ଧାରିତ ଓଭରରେ ୬ ଓ୍ୱିକେଟ୍ ହରାଇ ୧୬୪ ରନ୍ କରିଥିଲା ଭ୍ରମଣକାରୀ ଦଳ । ଓପନର ଜୋସ୍ ବଟଲର କୌଣସି ରନ୍ ନ କରି ଆଉଟ୍ ହୋଇଥିବା ବେଳେ ଜାସନ୍ ରୟ ୪୬ ରନ୍, ମଲାନ ୨୪ ରନ୍, ଜନି ବେୟାରଷ୍ଟୋ ୨୦ ରନ୍, ଅଧିନାୟକ ଇଅନ ମୋର୍ଗାନ ୨୮ ରନ ଓ ବେନ୍ ଷ୍ଟୋକସ ୨୪ ରନ୍ କରି ଆଉଟ ହୋଇଥିଲେ । ଭାରତ ପକ୍ଷରୁ ଓ୍ୱାସିଂଟନ୍ ସୁନ୍ଦରା ଓ ସାର୍ଦୁଲ ଠାକୁର ଦୁଇଟି ଲେଖାଏଁ ଓ୍ୱିକେଟ୍ ନେଇଥିବା ବେଳେ ଭୁବନେଶ୍ୱର କୁମାର ଓ ଯୁଯୁବେନ୍ଦ୍ର ଚହଲ ଗୋଟିଏ ଲେଖାଏଁ ଓ୍ୱିକେଟ୍ ନେଇଥିଲେ । ପାଞ୍ଚ ଟିକିଆ ଶୃଙ୍ଖଳାରେ ଉଭୟ ଦଳ ଗୋଟିଏ ଲେଖାଏଁ ମ୍ୟାଚ ଜିତି ସିରିଜ ବରାବର କରିଛନ୍ତି । ଆସନ୍ତା ୧୬ ତାରିଖରେ ଖେଳାଯିବ ତୃତୀୟ ଟି-୨୦ ମ୍ୟାଚ୍ ।
ଆଜି ମ୍ୟାଚ୍ରେ ଭାରତୀରେ ଟିମ୍ରେ ଥିଲେ କେଏଲ୍ ରାହୁଲ, ଇଶାନ୍ କିଷନ, ଅଧିନାୟକ ଭିରାଟ୍ କୋହଲି, ଓ୍ୱକେଟ୍ କିପର ରିଷଭ ପନ୍ଥ, ଶ୍ରେୟସ ଆୟର୍, ସୁର୍ଯ୍ୟକୁମାର ଯାଦବ, ହାର୍ଦ୍ଦିକ୍ ପାଣ୍ଡିଆ, ଓ୍ୱାସିଂଟନ୍ ସୁନ୍ଦର, ସର୍ଦ୍ଦୁଲ ଠାକୁର, ଭୁବନେଶ୍ୱର କୁମାର, ଯୁଜବେନ୍ଦ୍ର ଚହଲ ।
ସେହିଭଳି ଇଂଲଣ୍ଡ ଟିମ୍ରେ ଥିଲେ ଜସନ୍ ରୟ, ଓ୍ୱିକେଟ୍ କିପର ଜସନ୍ ବଟଲର୍, ଡେଭିଡ୍ ମଲନ୍, ଜନି ବାରିଷ୍ଟୋ, ଅଧିନାୟକ ଇୟୋନ୍ ମୋରଗାନ୍, ବେନ୍ ଷ୍ଟୋକ୍ସ, ସାମ୍ କୁରନ୍, ଜୋଫ୍ରା ଆର୍ଚ୍ଚର, ଟମ୍ କୁରନ୍, କ୍ରିସ୍ ଜୋରଦାନ, ଆଦିଲ ରସିଦ୍ ।
