କୋଭିସିଲ୍ଡର ୨ଟି ଡୋଜ ଭିତରେ ରହିବ ୬ରୁ ୮ ସପ୍ତାହର ବ୍ୟବଧାନ

ନୂଆଦିଲ୍ଲୀ: କରୋନା ଟିକା କୋଭିଶିଲ୍ଡର ଦୁଇଟି ଡୋଜ୍ ମଧ୍ୟରେ ଥିବା ବ୍ୟବଧାନ ଅବଧିକୁ ବୃଦ୍ଧି କରିବା ଲାଗି ସରକାର ନିଷ୍ପତ୍ତି ନେଇଛନ୍ତି । ଏବେ ଏହି ଅବଧିକୁ ୬ରୁ ୮ ସପ୍ତାହ କରାଯାଇଛି।

ସୂଚନା ଅନୁଯାୟୀ, ଟିକାକରଣ ଉପରେ ଜାତୀୟ ବୈଷୟିକ ପରାମର୍ଶଦାତା ଗୋଷ୍ଠୀ (ଏନଟିଏଜିଆଇ) ଏବଂ କୋଭିଡ-୧୯ ଟିକାକରଣ ପରିଚାଳନା ଉପରେ ଗଠିତ ଜାତୀୟ ବିଶେଷଜ୍ଞ ଗୋଷ୍ଠୀ (ଏନଇଜିଭିଏସି)ର ୨୦ତମ ବୈଠକରେ ଆଲୋଚନା ପରେ ଏହି ନିଷ୍ପତ୍ତି ନିଆଯାଇଛି। ଏହି ବୈଠକରେ ସମୀକ୍ଷା କରାଯିବା ପରେ ପ୍ରଥମ ଡୋଜ୍ ନିଆଯିବାର ୬-୮ ସପ୍ତାହ ବ୍ୟବଧାନରେ ଦ୍ୱିତୀୟ ଡୋଜ୍ ନିଆଯିବା ପାଇଁ ସୁପାରିସ କରାଯାଇଥିଲା। ପୂର୍ବରୁ ଏହା ୪-୬ ସପ୍ତାହ ମଧ୍ୟରେ ନିଆଯାଉଥିଲା।

Centre writes to States/UTs to increase the interval between two doses of COVISHIELD to 6-8 weeks based on NTAGI and NEGVAC Recommendation

Protection enhanced if the second dose of COVISHIELD is administered between 6-8 weeks

Read here: https://t.co/sgaZx3Ykaw

— PIB India (@PIB_India) March 22, 2021

ଦୁଇଟି ଡୋଜ ମଧ୍ୟରେ ବ୍ୟବଧାନ ବଜାୟ ରଖିବା ନିମନ୍ତେ ଏହି ସଂଶୋଧିତ ସମୟ ଅବଧି କେବଳ କୋଭିଶିଲ୍ଡ କ୍ଷେତ୍ରରେ କାର‌୍ୟ୍ୟବକାରୀ ହେବ ଏବଂ କୋଭାକ୍ସିନ ଟୀକା କ୍ଷେତ୍ରରେ ନୁହେଁ ବୋଲି ସ୍ପଷ୍ଟ କରି ଦିଆଯାଇଛି।

ଏ ସଂକ୍ରାନ୍ତରେ ବିଭିନ୍ନ ରାଜ୍ୟ ଓ କେନ୍ଦ୍ରଶାସିତ ପ୍ରଦେଶର ମୁଖ୍ୟ ଶାସନ ସଚିବମାନଙ୍କୁ କେନ୍ଦ୍ର ସ୍ୱାସ୍ଥ୍ୟ ସଚିବ ରାଜେଶ ଭୂଷଣ ଏକ ପତ୍ର ଲେଖି ଅବଗତ କରାଇଛନ୍ତି । ଏହି ପତ୍ରରେ ସେ ଅବଗତ କରାଇଛନ୍ତି ଯେ ଏନଟିଏଜିଆଇ ଏବଂ ଏନଇଜିଭିଏସିର ସୁପାରିସକୁ କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟ ଗ୍ରହଣ କରିନେଇଛି। କୋଭିଶିଲ୍ଡର ପ୍ରଥମ ଡୋଜ୍ ନେବାର ୬-୮ ସପ୍ତାହ ମଧ୍ୟରେ ଦ୍ୱିତୀୟ ଡୋଜ ନେଲେ ଏହା ଅଧିକ ଫଳପ୍ରଦ ହେଉଛି । କିନ୍ତୁ ୮ସପ୍ତାହ ପରେ ଏହାକୁ ନେବା ଉଚିତ୍ ନୁହେଁ ବୋଲି ବୈଜ୍ଞାନିକମାନେ ମତ ପ୍ରକାଶ କରିଛନ୍ତି ।