ବିଜେପି କାର୍ଯ୍ୟକ୍ରମରେ ସାମିଲ ହେବା ଅଭିଯୋଗକୁ ରାହୁଲଙ୍କ ଖଣ୍ଡନ

1 min read

ନୂଆଦିଲ୍ଲୀ: ଭାରତୀୟ କ୍ରିକେଟ ଦଳର ମୁଖ୍ୟ ପ୍ରଶିକ୍ଷକ ରାହୁଲ ଦ୍ରାବିଡ ବିଜେପି ଯୁବ ମୋର୍ଚ୍ଚାର ଜାତୀୟ କାର୍ଯ୍ୟକାରିଣୀ ଅଧିବେଶନରେ ଯୋଗଦେବେ ବୋଲି ଗଣମାଧ୍ୟମରେ ରିପୋର୍ଟ ପ୍ରକାଶ ପାଇଥିଲା । ତେବେ ଗଣମାଧ୍ୟମରେ ପ୍ରକାଶ ପାଇଥିବା ଏହି ରିପୋର୍ଟକୁ ଅସ୍ୱୀକାର କରିଛନ୍ତି ଟିମ୍ ଇଣ୍ଡିଆର ମୁଖ୍ୟ ପ୍ରଶିକ୍ଷକ ରାହୁଲ ଦ୍ରାବିଡ ।

ଦ୍ରାବିଡ ନ୍ୟୁଜ ଏଜେନ୍ସି ANIକୁ କହିଛନ୍ତି – ମିଡିଆର ଏକ ରିପୋର୍ଟ କରି କହୁଛି କି ମୁଁ ୧୨ରୁ ୧୫ ପର୍ଯ୍ୟନ୍ତ ହିମାଚଳ ପ୍ରଦେଶରେ ହେବାକୁ ଥିବା ଏକ ସଭାରେ ଯୋଗଦେବି । ତେବେ ଏହି ରିପୋର୍ଟ ଭୁଲ ବୋଲି ଦ୍ରାବିଡ କହିଛନ୍ତି । ଧର୍ମଶାଳାର ବିଜେପି ବିଧାୟକ ବିଶାଲ ନେହରିଆ ଦାବି କରି କହିଥିଲେ କି ଆସନ୍ତା ୧୨ରୁ ୧୫ ତାରିଖ ପର୍ଯ୍ୟନ୍ତ ବିଜେପି ଯୁବ ମୋର୍ଚ୍ଚାର ଜାତୀୟ କାର୍ଯ୍ୟ କମିଟି ଅଧିବେଶନରେ ରାହୁଲ ଦ୍ରାବିଡ ଅଂଶ ଗ୍ରହଣ କରିବେ ।

ନେହରିଆ କହିଥିଲେ କି ବିଜେପି ଯୁବ ମୋର୍ଚ୍ଚାର ଜାତୀୟ କାର୍ଯ୍ୟକାରିଣୀ କମିଟିର ଅଧିବେଶନ ୧୨ରୁ ୧୫ ତାରିଖ ପର୍ଯ୍ୟନ୍ତ ଧର୍ମଶାଳାରେ ଅନୁଷ୍ଠିତ ହେବ । ଏହି କାର୍ଯ୍ୟକ୍ରମରେ ବିଜେପିର ଜାତୀୟ ନେତୃତ୍ୱ ଏବଂ ହିମାଚଳ ପ୍ରଦେଶର ସମସ୍ତ ପ୍ରମୁଖ ନେତା ଅଂଶଗ୍ରହଣ କରିବେ । ତେବେ ଧର୍ମଶାଳାରେ ହେବାକୁ ଥିବା ଏହି କାର୍ଯ୍ୟକ୍ରମରେ ଦ୍ରାବିଡ ଉପସ୍ଥିତି ରହି ଯୁବପିଢ଼ିଙ୍କୁ ବିଭିନ୍ନ କ୍ଷେତ୍ରରେ ଉତ୍କର୍ଷ କରିବାକୁ ଏକ ବାର୍ତ୍ତା ପଠାଇବେ ବୋଲି କହିଥିଲେ ନେହରିଆ ।

[DISPLAY_ULTIMATE_SOCIAL_ICONS]