ଅନୁରାଗ କଶ୍ୟପ ଓ ତାପସୀ ପନ୍ନୁଙ୍କ ଘର ଉପରେ ଆୟକର ବିଭାଗର ଚଢଉ

ନୂଆଦିଲ୍ଲୀ: ଆୟକର ବିଭାଗ ବଲିଉଡ୍ ନିର୍ଦ୍ଦେଶକ ଅନୁରାଗ କଶ୍ୟପ ଓ ଅଭିନେତ୍ରୀ ତାପସୀ ପନ୍ନୁଙ୍କ ଘର ତଥା ଅଫିସ ଉପରେ ଚଢ଼ଉ କରିଛି । ସୂଚନା ଅନୁସାରେ ଅନୁରାଗଙ୍କ ଘର ଓ ଅଫିସ ଉପରେ ହେଉଥିବା ଚଢ଼ଉ ଫ୍ୟାଣ୍ଟମ୍ ଫିଲ୍ମସ ସମ୍ବନ୍ଧିତ । ଫ୍ୟାଣ୍ଟମ ଫିଲ୍ମସର ପାର୍ଟନର ଥିବା ବିକାଶ ବହଲ,ମଧୁ ମୋନଟେନା,ବିକାଶ ମୋଟୱାନିଙ୍କ ଘର ଉପରେ ମଧ୍ୟ ଆୟକର ବିଭାଗ ଚଢ଼ଉ କରିଛି ।

ଫ୍ୟାଣ୍ଟମ ଫିଲ୍ମସ ଆୟକର ଚୋରି କରିଥିବା ଅଭିଯୋଗରେ ଏହି ଚଢ଼ଉ ହେଉଛି । ସୂଚନାଯୋଗ୍ୟେ ଯେ, ୨୦୧୦ରେ ଫ୍ୟାଣ୍ଟମ ଫିଲ୍ମସର ସ୍ଥାପନା ହୋଇଥିଲା । ତେବେ ୨୦୧୮ରେ ଏହାକୁ ବନ୍ଦ କରି ଦିଆଯାଇଥିଲା । ମୁମ୍ବାଇର ପ୍ରାୟ ୨୨ଟି ସ୍ଥାନରେ ଆୟକର ବିଭାଗ ତରଫରୁ ଏକକାଳୀନ ଚଢଉ ହେଉଥିବା କୁହାଯାଉଛି । ଅନୁରାଗ କଶ୍ୟପ ମୋଦି ସରକାରଙ୍କ ନୀତିକୁ ଅନେକ ସମୟରେ ସମାଲୋଚନା କରିଥାନ୍ତି । ସେହିଭଳି ତାପସୀ ପନ୍ନୁ ମଧ୍ୟ ନିକଟରେ ଚାଷୀ ଆନ୍ଦୋଳନକୁ ସମର୍ଥନ କରିଥିଲେ ।

Leave a Reply